ನವದೆಹಲಿ (ಪಿಟಿಐ): ಕರ್ನಾಟಕದ ಬಾದಾಮಿ ಸೇರಿದಂತೆ ದೇಶದ 12 ನಗರಗಳನ್ನು ರಾಷ್ಟ್ರೀಯ ಪರಂಪರೆ ನಗರ ಅಭಿವೃದ್ಧಿ ಯೋಜನೆಗೆ ಆಯ್ಕೆ ಮಾಡಲಾಗಿದೆ.
ಈ ಯೋಜನೆಯಡಿ ಆರಂಭದಲ್ಲಿ ಆಯ್ಕೆಯಾದ ನಗರಗಳೆಂದರೆ: ಅಮೃತಸರ, ವಾರಾಣಸಿ, ಗಯಾ, ಪುರಿ, ಅಜ್ಮೇರ್, ವೆಲಾಂಕಣಿ, ಮಥುರಾ, ಕಂಚಿಪುರಂ, ದ್ವಾರಕಾ, ಬಾದಾಮಿ, ವಾರಂಗಲ್ ಮತ್ತು ಅಮರಾವತಿ.
ಪುರಾತನ ನಗರಗಳ ಪರಂಪರೆಯನ್ನು ಕಾಪಾಡಿ, ನಗರವನ್ನು ಪುನಶ್ಚೇತನಗೊಳಿಸುವ 500 ಕೋಟಿ ರೂಪಾಯಿಗಳ ರಾಷ್ಟ್ರೀಯ ಪರಂಪರೆ ನಗರ ಅಭಿವೃದ್ಧಿ ಯೋಜನೆಯನ್ನು ಮುಂದಿನ ವರ್ಷದ ಆರಂಭದಲ್ಲಿ ಜಾರಿ ಮಾಡಲಾಗುತ್ತಿದೆ ಎಂದು ನಗರಾಭಿವೃದ್ಧಿ ಸಚಿವ ವೆಂಕಯ್ಯ ನಾಯ್ಡು ಶನಿವಾರ ಇಲ್ಲಿ ನಡೆದ ಕಾರ್ಯಾಗಾರದಲ್ಲಿ ತಿಳಿಸಿದರು.
