ಅಲಹಾಬಾದ್ (ಪಿಟಿಐ): ಇಸ್ಲಾಂನಲ್ಲಿ ನಂಬಿಕೆ ಇಲ್ಲದಿದ್ದರೂ ಆ ಸಮುದಾಯದ ಯುವಕರನ್ನು ಮದುವೆಯಾಗುವ ಒಂದೇ ಉದ್ದೇಶದಿಂದ ಯುವತಿಯರು ಇಸ್ಲಾಂಗೆ ಮತಾಂತರವಾದರೆ ಅಂತಹ ಮತಾಂತರ ಅಸಿಂಧು ಎಂದು ಇಲ್ಲಿನ ಹೈಕೋರ್ಟ್ ಮಹತ್ವದ ಆದೇಶ ನೀಡಿದೆ.
ಉತ್ತರ ಪ್ರದೇಶದ ವಿವಿಧ ಜಿಲ್ಲೆಗಳ ಐದು ಜೋಡಿಗಳು ತಮ್ಮ ದಾಂಪತ್ಯಕ್ಕೆ ರಕ್ಷಣೆ ಕೋರಿ ಸಲ್ಲಿಸಿದ್ದ ಅರ್ಜಿಗಳನ್ನು ವಜಾ ಮಾಡಿದ ನ್ಯಾಯಮೂರ್ತಿ ಸೂರ್ಯ ಪ್ರಕಾಶ್ ಕೆಸರಿವಾನಿ ಈ ಆದೇಶ ನೀಡಿದರು.
ಈ ಐದು ಜೋಡಿಗಳಲ್ಲಿ ಯುವಕರು ಮುಸ್ಲಿಮರಾಗಿದ್ದು, ಯುವತಿಯರು ಹಿಂದೂ ಧರ್ಮಕ್ಕೆ ಸೇರಿದವರು. ಆದರೆ ಮದುವೆಯಾಗುವುದಕ್ಕಾಗಿ ಈ ಯುವತಿಯರು ಇಸ್ಲಾಂಗೆ ಮತಾಂತರ ಹೊಂದಿದ್ದಾರೆ. ಇಂತಹ ಮದುವೆ ಕುರಾನ್ಗೂ ವಿರುದ್ಧವಾದುದು ಎಂದೂ ಅವರು ಆದೇಶದಲ್ಲಿ ತಿಳಿಸಿದ್ದಾರೆ.