ಕ್ವಾಲಾಲಂಪುರ(ಐಎಎನ್ ಎಸ್): ಮಲೇಷ್ಯಾದ ಪಶ್ಚಿಮ ಕರಾವಳಿಯಲ್ಲಿ 100 ಜನ ವಲಸಿಗರಿದ್ದ ದೋಣಿ ಮಲಾಕ್ಕಾ ಜಲಸಂಧಿಯಲ್ಲಿ ಗುರುವಾರ ಮುಗುಚಿ 14 ಜನ ಮೃತಪಟ್ಟಿದ್ದಾರೆ.
ಮಲೇಷ್ಯಾ ನೌಕಾಪಡೆ 20 ಮಂದಿಯನ್ನು ಅಪಾಯದಿಂದ ರಕ್ಷಿಸಿದೆ ಎಂದು ಮಲೇಷ್ಯಾ ಸ್ಟಾರ್ ವರದಿ ಮಾಡಿದೆ.
ದೋಣಿ ಮುಗುಚಿರುವುದನ್ನು ಮೀನುಗಾರನೊಬ್ಬ ನೌಕಾಪಡೆಯ ಗಮನಕ್ಕೆ ತಂದಿದ್ದು, ಬೆಳಿಗ್ಗೆ 10.30ಕ್ಕೆ ಈ ದುರ್ಘಟನೆ ಸಂಭವಿಸಿದೆ ಎಂದು ನೌಕಾಪಡೆಯ ವಕ್ತಾರರು ತಿಳಿಸಿದ್ದಾರೆ. ದೋಣಿಯಲ್ಲಿದ್ದವರು ಅಕ್ರಮ ವಲಸಿಗರು ಎನ್ನಲಾಗಿದೆ.