<p><strong>ನವದೆಹಲಿ (ಪಿಟಿಐ): </strong>ಅಂತರ್ಜಾಲ ಚಿಲ್ಲರೆ ಮಾರಾಟದ ಪ್ರಮುಖ ಸಂಸ್ಥೆಗಳಲ್ಲೊಂದಾದ ಫ್ಲಿಪ್ಕಾರ್ಟ್, ಮುಕ್ತ ಅಂತರ್ಜಾಲಕ್ಕೆ ಸಂಬಂಧಿಸಿದ ತನ್ನ ನಿಲುವು ಬದಲಿಸಿಕೊಂಡಿದೆ.<br /> <br /> ಅಂತರ್ಜಾಲದಲ್ಲಿ ಸರ್ವರಿಗೂ ಸಮಾನ ಅವಕಾಶದ ಬಗ್ಗೆ ದೊಡ್ಡ ಚರ್ಚೆಗೆ ಕಾರಣವಾದ ಮತ್ತು ಸಮಾಜದ ವಿವಿಧ ವರ್ಗದವರಿಂದ ವ್ಯಕ್ತವಾದ ಆಕ್ರೋಶಕ್ಕೆ ಮಣಿದು ಏರ್ಟೆಲ್ನ ‘ಏರ್ಟೆಲ್ ಝೀರೊ’ ಯೋಜನೆ ಜತೆಗಿನ ಸಂಬಂಧವನ್ನು ಫ್ಲಿಪ್ಕಾರ್ಟ್ ಸಂಸ್ಥೆ ಕಡಿದುಕೊಂಡಿದೆ.<br /> <br /> ವಿವಾದಕ್ಕೆ ಕಾರಣವಾದ ಏರ್ಟೆಲ್ ಕೂಡ, ಮುಕ್ತ ಅಂತರ್ಜಾಲದ ಪರವಾಗಿಯೇ ತಾನು ಇರುವುದಾಗಿ ಹೇಳಿದೆ. ಅಲ್ಲದೇ ತನ್ನ ‘ಏರ್ಟೆಲ್ ಝೀರೊ’ ಸೌಲಭ್ಯವನ್ನು ಯಾವುದೇ ತಾರತಮ್ಯ ಇಲ್ಲದೆ ಎಲ್ಲರಿಗೂ ಮುಕ್ತವಾಗಿ ಇರಿಸಲಾಗುವುದು ಎಂದು ಏರ್ಟೆಲ್ ಹೇಳಿದೆ.<br /> <br /> ‘ಏರ್ಟೆಲ್ ಝೀರೊ’ ಯೋಜನೆಯಲ್ಲಿ ಭಾಗಿಯಾಗುವ ಸಂಬಂಧ ಏರ್ಟೆಲ್ ಜೊತೆಗಿನ ಮಾತುಕತೆಯಿಂದ ಹಿಂದಕ್ಕೆ ಸರಿಯಲಾಗಿದೆ ಎಂದು ಫ್ಲಿಪ್ಕಾರ್ಟ್ ಹೇಳಿದೆ.<br /> <br /> ‘ಏರ್ಟೆಲ್ ಝೀರೊ’ ಯೋಜನೆಗೆ ಕಳೆದ ವಾರ ಚಾಲನೆ ನೀಡಲಾಗಿದ್ದು, ಇದರ ಪ್ರಕಾರ ಕೆಲವು ಮೊಬೈಲ್ ಅಪ್ಲಿಕೇಶನ್ಗಳು (ಆ್ಯಪ್) ಗ್ರಾಹಕರಿಗೆ ಉಚಿತವಾಗಿ ದೊರೆಯುತ್ತವೆ. ಆದರೆ ಅದರ ಶುಲ್ಕವನ್ನು ಆ್ಯಪ್ ಸಿದ್ಧಪಡಿಸಿದ ಸಂಸ್ಥೆಗಳೇ ಭರಿಸುತ್ತವೆ.<br /> <br /> ಇದೇ ರೀತಿಯ ಸೇವೆಗಳನ್ನು ರಿಲಯನ್ಸ್ ಕಮ್ಯುನಿಕೇಷನ್ಸ್ ಮತ್ತು ಫೇಸ್ಬುಕ್ ಕೂಡ ಒದಗಿಸುತ್ತಿವೆ. ಈ ಬಗ್ಗೆ ಅಂತರ್ಜಾಲ ಬಳಕೆದಾರರು ಭಾರಿ ಟೀಕೆ ಮಾಡುತ್ತಿದ್ದಾರೆ. ಇದು ‘ಉಚಿತ’ ಅಂತರ್ಜಾಲ ಲಭ್ಯತೆಯನ್ನು ಕೆಲವೇ ಕೆಲವು ಸೇವೆಗಳಿಗೆ ಸೀಮಿತವಾಗಿಸುತ್ತದೆ. ಹೀಗಾಗಿ ಇಂತಹ ಸೌಲಭ್ಯಗಳು ಮುಕ್ತ ಅಂತರ್ಜಾಲ ಪರಿಕಲ್ಪನೆಗೆ ವಿರುದ್ಧವಾಗಿದೆ ಎಂದು ಟೀಕಾಕಾರರು ಹೇಳುತ್ತಿದ್ದಾರೆ.<br /> <br /> <strong>ಕಾಂಗ್ರೆಸ್ ಎಚ್ಚರಿಕೆ</strong><br /> ಮುಕ್ತ ಅಂತರ್ಜಾಲದ ಪರ ನಿಂತಿರುವ ಕಾಂಗ್ರೆಸ್, ಇದಕ್ಕೆ ಸಂಬಂಧಿಸಿದಂತೆ ಭಾರತೀಯ ದೂರ ಸಂಪರ್ಕ ನಿಯಂತ್ರಣ ಪ್ರಾಧಿಕಾರ (ಟ್ರಾಯ್) ಸಿದ್ಧಪಡಿಸುತ್ತಿರುವ ಸಮಾಲೋಚನಾ ಪತ್ರವನ್ನು ರದ್ದು ಪಡಿಸುವಂತೆ ನಿರ್ದೇಶನ ನೀಡಬೇಕೆಂದು ಕೇಂದ್ರವನ್ನು ಒತ್ತಾಯಿಸಿದೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ (ಪಿಟಿಐ): </strong>ಅಂತರ್ಜಾಲ ಚಿಲ್ಲರೆ ಮಾರಾಟದ ಪ್ರಮುಖ ಸಂಸ್ಥೆಗಳಲ್ಲೊಂದಾದ ಫ್ಲಿಪ್ಕಾರ್ಟ್, ಮುಕ್ತ ಅಂತರ್ಜಾಲಕ್ಕೆ ಸಂಬಂಧಿಸಿದ ತನ್ನ ನಿಲುವು ಬದಲಿಸಿಕೊಂಡಿದೆ.<br /> <br /> ಅಂತರ್ಜಾಲದಲ್ಲಿ ಸರ್ವರಿಗೂ ಸಮಾನ ಅವಕಾಶದ ಬಗ್ಗೆ ದೊಡ್ಡ ಚರ್ಚೆಗೆ ಕಾರಣವಾದ ಮತ್ತು ಸಮಾಜದ ವಿವಿಧ ವರ್ಗದವರಿಂದ ವ್ಯಕ್ತವಾದ ಆಕ್ರೋಶಕ್ಕೆ ಮಣಿದು ಏರ್ಟೆಲ್ನ ‘ಏರ್ಟೆಲ್ ಝೀರೊ’ ಯೋಜನೆ ಜತೆಗಿನ ಸಂಬಂಧವನ್ನು ಫ್ಲಿಪ್ಕಾರ್ಟ್ ಸಂಸ್ಥೆ ಕಡಿದುಕೊಂಡಿದೆ.<br /> <br /> ವಿವಾದಕ್ಕೆ ಕಾರಣವಾದ ಏರ್ಟೆಲ್ ಕೂಡ, ಮುಕ್ತ ಅಂತರ್ಜಾಲದ ಪರವಾಗಿಯೇ ತಾನು ಇರುವುದಾಗಿ ಹೇಳಿದೆ. ಅಲ್ಲದೇ ತನ್ನ ‘ಏರ್ಟೆಲ್ ಝೀರೊ’ ಸೌಲಭ್ಯವನ್ನು ಯಾವುದೇ ತಾರತಮ್ಯ ಇಲ್ಲದೆ ಎಲ್ಲರಿಗೂ ಮುಕ್ತವಾಗಿ ಇರಿಸಲಾಗುವುದು ಎಂದು ಏರ್ಟೆಲ್ ಹೇಳಿದೆ.<br /> <br /> ‘ಏರ್ಟೆಲ್ ಝೀರೊ’ ಯೋಜನೆಯಲ್ಲಿ ಭಾಗಿಯಾಗುವ ಸಂಬಂಧ ಏರ್ಟೆಲ್ ಜೊತೆಗಿನ ಮಾತುಕತೆಯಿಂದ ಹಿಂದಕ್ಕೆ ಸರಿಯಲಾಗಿದೆ ಎಂದು ಫ್ಲಿಪ್ಕಾರ್ಟ್ ಹೇಳಿದೆ.<br /> <br /> ‘ಏರ್ಟೆಲ್ ಝೀರೊ’ ಯೋಜನೆಗೆ ಕಳೆದ ವಾರ ಚಾಲನೆ ನೀಡಲಾಗಿದ್ದು, ಇದರ ಪ್ರಕಾರ ಕೆಲವು ಮೊಬೈಲ್ ಅಪ್ಲಿಕೇಶನ್ಗಳು (ಆ್ಯಪ್) ಗ್ರಾಹಕರಿಗೆ ಉಚಿತವಾಗಿ ದೊರೆಯುತ್ತವೆ. ಆದರೆ ಅದರ ಶುಲ್ಕವನ್ನು ಆ್ಯಪ್ ಸಿದ್ಧಪಡಿಸಿದ ಸಂಸ್ಥೆಗಳೇ ಭರಿಸುತ್ತವೆ.<br /> <br /> ಇದೇ ರೀತಿಯ ಸೇವೆಗಳನ್ನು ರಿಲಯನ್ಸ್ ಕಮ್ಯುನಿಕೇಷನ್ಸ್ ಮತ್ತು ಫೇಸ್ಬುಕ್ ಕೂಡ ಒದಗಿಸುತ್ತಿವೆ. ಈ ಬಗ್ಗೆ ಅಂತರ್ಜಾಲ ಬಳಕೆದಾರರು ಭಾರಿ ಟೀಕೆ ಮಾಡುತ್ತಿದ್ದಾರೆ. ಇದು ‘ಉಚಿತ’ ಅಂತರ್ಜಾಲ ಲಭ್ಯತೆಯನ್ನು ಕೆಲವೇ ಕೆಲವು ಸೇವೆಗಳಿಗೆ ಸೀಮಿತವಾಗಿಸುತ್ತದೆ. ಹೀಗಾಗಿ ಇಂತಹ ಸೌಲಭ್ಯಗಳು ಮುಕ್ತ ಅಂತರ್ಜಾಲ ಪರಿಕಲ್ಪನೆಗೆ ವಿರುದ್ಧವಾಗಿದೆ ಎಂದು ಟೀಕಾಕಾರರು ಹೇಳುತ್ತಿದ್ದಾರೆ.<br /> <br /> <strong>ಕಾಂಗ್ರೆಸ್ ಎಚ್ಚರಿಕೆ</strong><br /> ಮುಕ್ತ ಅಂತರ್ಜಾಲದ ಪರ ನಿಂತಿರುವ ಕಾಂಗ್ರೆಸ್, ಇದಕ್ಕೆ ಸಂಬಂಧಿಸಿದಂತೆ ಭಾರತೀಯ ದೂರ ಸಂಪರ್ಕ ನಿಯಂತ್ರಣ ಪ್ರಾಧಿಕಾರ (ಟ್ರಾಯ್) ಸಿದ್ಧಪಡಿಸುತ್ತಿರುವ ಸಮಾಲೋಚನಾ ಪತ್ರವನ್ನು ರದ್ದು ಪಡಿಸುವಂತೆ ನಿರ್ದೇಶನ ನೀಡಬೇಕೆಂದು ಕೇಂದ್ರವನ್ನು ಒತ್ತಾಯಿಸಿದೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
