ವಾರ್ಡ್ ಸಂಖ್ಯೆ ೧೩೩ರ ಹಂಪಿನಗರ ರೈಲ್ವೆ ನಿಲ್ದಾಣದ ಬಳಿ ಇದ್ದ ಮ್ಯಾನ್ ಹೋಲ್ ಸಮಸ್ಯೆ ಬಗ್ಗೆ ಆಗಸ್ಟ್ 7ರ ‘ಕುಂದು ಕೊರತೆ’ ವಿಭಾಗದಲ್ಲಿ ಚಂದ್ರಶೇಖರ್ ಎಂಬುವವರು ಗಮನ ಸೆಳೆದಿದ್ದರು.
ರಸ್ತೆಗಿಂತ ೨-೩ ಅಂಗುಲ ಕೆಳಗಿರುವ ಈ ಮ್ಯಾನ್‌ಹೋಲ್ ಮಳೆ ನೀರು ನುಗ್ಗಿ ಬಂದಾಗ ಪದೇಪದೇ ಕಟ್ಟಿಕೊಂಡು ಉಕ್ಕಿ ಹರಿಯುತ್ತದೆ. ಇದರಿಂದ ಸಂಚಾರಕ್ಕೆ ತೊಂದರೆಯಾಗುತ್ತಿದೆ ಎಂದು ಅವರು ಓದುಗರ ವೇದಿಕೆಯಲ್ಲಿ ಅಭಿಪ್ರಾಯ ವ್ಯಕ್ತಪಡಿಸಿದ್ದರು.
ಈ ಸಮಸ್ಯೆಗೆ ಶೀಘ್ರವೇ ಪ್ರತಿಕ್ರಿಯಿಸಿರುವ ಬೆಂಗಳೂರು ನೀರು ಸರಬರಾಜು ಮತ್ತು ಒಳಚರಂಡಿ ಮಂಡಳಿ ಜುಲೈ ೧೧ರಂದು ಮ್ಯಾನ್ ಹೋಲ್ ಎತ್ತರಿಸಿ ಸಮಸ್ಯೆಯನ್ನು ಬಗೆಹರಿಸಿದೆ. ತ್ವರಿತವಾಗಿ ಕ್ರಮ ಕೈಗೊಂಡ ಸಂಗತಿಯನ್ನು ಅದು ಹೇಳಿಕೆಯ ಮೂಲಕ ಸ್ಪಷ್ಟಪಡಿಸಿದೆ.
