ನ್ಯೂಯಾರ್ಕ್ (ಐಎಎನ್ಎಸ್): ಭಾರತೀಯ ಟೆನಿಸ್ ತಾರೆಗಳಾದ ಲಿಯಾಂಡರ್ ಪೇಸ್ ಹಾಗೂ ರೋಹನ್ ಬೋಪಣ್ಣ ಅವರು ಅಮೆರಿಕ ಓಪನ್ ಟೆನಿಸ್ ಟೂರ್ನಿಯ ಎರಡನೇ ಸುತ್ತಿಗೆ ಪ್ರವೇಶಿಸಿದ್ದಾರೆ.
ಟೂರ್ನಿಯ ಮೊದಲ ಸುತ್ತಿನ ಪಂದ್ಯದ ಮಿಶ್ರ ಡಬಲ್ಸ್ ನಲ್ಲಿ ಲಿಯಾಂಡರ್ ಪೇಸ್ ಹಾಗೂ ಮಾರ್ಟಿನಾ ಹಿಂಗಿಸ್ ಜೋಡಿ 6-2, 6-2 ಸೆಟ್ ಗಳಿಂದ ಅಮೆರಿಕದ ಟೇಲರ್ ಹ್ಯಾರಿ ಫ್ರಿಟ್ಜ್ ಮತ್ತು ಸಿ ಲುಯಿ ಜೋಡಿ ವಿರುದ್ಧ ಜಯ ಗಳಿಸಿದರು.
ಟೂರ್ನಿಯ ಪುರುಷರ ಡಬಲ್ಸ್ ನಲ್ಲಿ ರೋಹನ್ ಬೋಪಣ್ಣ ಹಾಗೂ ಫ್ಲಾರಿನ್ ಮಿರ್ಗೆ ಜೋಡಿ 6-3, 6-4 ಸೆಟ್ ಗಳಲ್ಲಿ ಅಮೆರಿಕದ ಆಸ್ಟಿನ್ ಕ್ರಾಜಿಕಿ ಮತ್ತು ನಿಕೋಲಸ್ ಮನ್ರೊ ಜೋಡಿ ವಿರುದ್ಧ ಜಯ ಸಾಧಿಸಿದರು.