ನ್ಯೂಯಾರ್ಕ್ (ಎಎಫ್ಪಿ): ಸ್ವಿಟ್ಜರ್ ಲೆಂಡ್ನ ರೋಜರ್ ಫೆಡರರ್, ಎರಡು ಗ್ರ್ಯಾಂಡ್ಸ್ಲಾಮ್ ಪ್ರಶಸ್ತಿ ಗೆದ್ದಿರುವ ಸ್ವಿಸ್ ಆಟಗಾರ ಸ್ಟಾನಿಸ್ಲಾಸ್ ವಾವ್ರಿಂಕ ಅವರು ಅಮೆರಿಕ ಓಪನ್ ಟೆನಿಸ್ ಟೂರ್ನಿಯಲ್ಲಿ ಮೂರನೇ ಸುತ್ತಿಗೆ ಮುನ್ನಡೆ ಸಾಧಿಸಿದ್ದಾರೆ.
ಇಲ್ಲಿ ಗುರುವಾರ ನಡೆದ ಪುರುಷರ ಸಿಂಗಲ್ಸ್ ಪಂದ್ಯದಲ್ಲಿ ರೋಜರ್ ಫೆಡರರ್ 6-1, 6-2, 6-1 ಸೆಟ್ ನಲ್ಲಿ ಬೆಲ್ಜಿಯಂನ ಸ್ಟೀವ್ ಡಾರ್ಕಿಸ್ ವಿರುದ್ಧ ಜಯ ಗಳಿಸಿದರು. ಈ ಇಬ್ಬರ ಮಧ್ಯೆ 80 ನಿಮಿಷಗಳ ಸೆಣಸಾಟ ನಡೆಯಿತು.
ಪುರುಷರ ಸಿಂಗಲ್ಸ್ ನಲ್ಲಿ ಸ್ವಿಸ್ ಆಟಗಾರ ಸ್ಟಾನಿಸ್ಲಾಸ್ ವಾವ್ರಿಂಕ 7-6(7), 7-6(7), 7-6(8) ಸೆಟ್ ಗಳಲ್ಲಿ ದಕ್ಷಿಣ ಕೊರಿಯಾದ ಹೈಯಿನ್ ಚುಂಗ್ ವಿರುದ್ಧ ಜಯ ಸಾಧಿಸಿದರು.
ಪುರುಷರ ಸಿಂಗಲ್ಸ್ ನಲ್ಲಿ ಥಾಮಸ್ ಬೆರ್ಡಿಕ್ 7-6, 6-1, 6-3 ಸೆಟ್ ನಲ್ಲಿ ಆಸ್ಟ್ರೇಲಿಯಾದ ಜೆ. ಮಿಲ್ಜಿರ್ ವಿರುದ್ಧ ಗೆಲುವು ಪಡೆದಿದ್ದಾರೆ.