ಬಾರಮಿರ್(ಪಿಟಿಐ): ಭಾರತೀಯ ವಾಯು ಪಡೆಗೆ ಸೇರಿಗೆ ‘ಮಿಗ್-27’ ಯುದ್ಧ ವಿಮಾನ ಮಂಗಳವಾರ ರಾಜಸ್ತಾನದ ಬಾರಮಿರ್ ಜಿಲ್ಲೆಯಲ್ಲಿ ಇದ್ದಕ್ಕಿದ್ದಂತೆ ಅಪಘಾತಕ್ಕೀಡಾಗಿದ್ದು, ಘಟನೆಯಲ್ಲಿ ವಿಮಾನದ ಪೈಲೆಟ್ ಅಪಾಯದಿಂದ ಪಾರಾಗಿದ್ದಾರೆ.
ಸೇನೆಯ ಯುದ್ಧ ವಿಮಾನ ಮಂಗಳವಾರ ಮಧ್ಯಾಹ್ನ 3.10ರ ಸುಮಾರಿಗೆ ಅಪಘಾತಕ್ಕೀಡಾಗಿದ್ದು, ಪೈಲೆಟ್ ಅಪಾಯದಿಂದ ಪಾರಾಗಿದ್ದಾರೆ ಎಂದು ಸೇನೆಯ ವಕ್ತಾರರು ದೆಹಲಿಯಲ್ಲಿ ತಿಳಿಸಿದ್ದಾರೆ.
ಈ ಯುದ್ಧ ವಿಮಾನವನ್ನು ಭೂಮಿಯ ಮೇಲಿನ ಶತ್ರುಗಳ ದಾಳಿ ನಿಯಂತ್ರಿಸಲು ಆಗಸದಿಂದ ಗುಂಡಿನ ದಾಳಿ ನಡೆಸಲು ಬಳಸಲಾಗುತ್ತದೆ. ಇದು ಜೋದ್ ಪುರದಿಂದ ರಾಜಸ್ತಾನದ ಅಟ್ರಾಲಿ ವಾಯು ನೆಲೆಗೆ ತೆರಳುತ್ತಿತ್ತು ಎಂದು ಅವರು ತಿಳಿಸಿದ್ದಾರೆ.
