ಒಮ್ಮೆಲೆ ನೋಡಿದರೆ ಇದೇನಿದು ದೂಳು ಆವರಿಸಿಕೊಂಡಿರುವ ವಾಹನಗಳು ಎನಿಸಬಹುದು. ಆದರೆ, ಇಲ್ಲಿರುವ ಅದೆಷ್ಟೋ ವಾಹನಗಳು ಸೂರಿಲ್ಲದವರಿಗೆ ನೆತ್ತಿಯ ಮೇಲೆ ಸೂರು ಒದಗಿಸಿವೆ. ಎಂದೂ ಶಾಲೆ ಹಾಗೂ ಆಟದ ಮೈದಾನವನ್ನೇ ಕಾಣದ ಬಡ ಮಕ್ಕಳ ಆಟಿಕೆಯ ವಸ್ತುಗಳಾಗಿವೆ. ಯಾವ್ಯಾವುದೋ ಪ್ರಕರಣಗಳಲ್ಲಿ ಸಿಕ್ಕಿ ಹಾಕಿಕೊಂಡು ಪೊಲೀಸ್‌ ಠಾಣೆಯ ಬಯಲಿನಲ್ಲಿ ಬಿದ್ದಿರುವ ಈ ವಾಹನಗಳಲ್ಲೇ ಬದುಕು ದೂಡುತ್ತಿರುವವರ ಮನಕಲಕುವ ಯಶೋಗಾಥೆಯನ್ನು ರಂಜು ಪಿ. ಛಾಯಾಚಿತ್ರಗಳ ಮೂಲಕ ವಿವರಿಸುವ ಪ್ರಯತ್ನ ಮಾಡಿದ್ದಾರೆ.
