ನವದೆಹಲಿ (ಪಿಟಿಐ): ಹಿರಿಯ ರಾಜತಾಂತ್ರಿಕ ಅಧಿಕಾರಿ ವಿಕಾಸ್ ಸ್ವರೂಪ್‌ ಅವರು ವಿದೇಶಾಂಗ ಇಲಾಖೆ ವಕ್ತಾರರಾಗಿ ಶನಿವಾರ ಅಧಿಕಾರ ಸ್ವೀಕರಿಸಿದ್ದಾರೆ.
ಸ್ವರೂಪ್‌ 1986ರ ಐಎಫ್‌ಎಸ್ (ಭಾರತೀಯ ವಿದೇಶಾಂಗ ಸೇವೆ) ಅಧಿಕಾರಿ. ಉಭಯ ಸಯ್ಯದ್ ಅಕ್ಬರುದ್ದೀನ್ ಹಾಗೂ ಸ್ವರೂಪ್‌ ಅವರು ಶನಿವಾರ ಕೊನೆಗೊಂಡ ಮೂರು ರಾಷ್ಟ್ರಗಳ ವಿದೇಶಿ ಪ್ರವಾಸದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರ ನಿಯೋಗದಲ್ಲಿದ್ದರು. ಶನಿವಾರ ಮುಂಜಾನೆ 6ಗಂಟೆಗೆಯಷ್ಟೇ ಅವರು ನವದೆಹಲಿಗೆ ವಾಪಸ್ಸಾಗಿದ್ದರು.
ಸ್ವರೂಪ್‌ ಅವರು ಬರೆದ ಅಂತರರಾಷ್ಟ್ರೀಯ ಖ್ಯಾತಿಯ ಪುಸ್ತಕ "Q&A", ಸಂ ಡಾಗ್ ಮಿಲೇನಿಯರ್‌ ಚಲನ ಚಿತ್ರವನ್ನಾಗಿ ಮಾಡಲಾಗಿತ್ತು. ಅದು 2009ರಲ್ಲಿ ಮೂರು ಆಸ್ಕರ್‌ ಪ್ರಶಸ್ತಿಗಳನ್ನು ಮುಡಿಗೇರಿಸಿಕೊಂಡಿತ್ತು.
ವಿದೇಶಾಂಗ ಇಲಾಖೆಯ ವಕ್ತಾರರಾಗಿ ಪದಗ್ರಹಣ ಸ್ವೀರಿಸುವ ಮುನ್ನ ಸ್ವರೂಪ್‌ ಇದೇ ಇಲಾಖೆಯಲ್ಲಿ ಜಂಟಿ ಕಾರ್ಯದರ್ಶಿಯಾಗಿ ಕಾರ್ಯನಿರ್ವಹಿಸುತ್ತಿದ್ದರು.
