ಮುಂಬೈ (ಪಿಟಿಐ): ಕಳೆದ ಐದು ವಾರಗಳಿಂದ ಇಳಿಮುಖವಾಗಿದ್ದ ದೇಶದಲ್ಲಿನ ವಿದೇಶಿ ವಿನಿಮಯ ಸಂಗ್ರಹ ಅ. 10ರ ವಾರಾಂತ್ಯಕ್ಕೆ ₨79.849 ಕೋಟಿಯಷ್ಟು ಏರಿಕೆ ಕಂಡಿದ್ದು, ಒಟ್ಟಾರೆ ₨19,03,200 ಕೋಟಿಗಳನ್ನು ಮುಟ್ಟಿದೆ ಎಂದು ಭಾರತೀಯ ರಿಸರ್ವ್ ಬ್ಯಾಂಕ್(ಆರ್ಬಿಐ) ಮಾಹಿತಿ ನೀಡಿದೆ.
ಅ. 3ರ ವಾರಾಂತ್ಯಕ್ಕೆ ₨16,750 ಕೋಟಿಗಳಷ್ಟು ಇಳಿಕೆ ಕಂಡ ವಿದೇಶಿ ಕರೆನ್ಸಿಗಳ ಸಂಗ್ರಹ ಪ್ರಮಾಣ ₨18,99,704 ಕೋಟಿಗೆ ಬಂದಿತ್ತು. ಸೆ. 26ರ ವಾರಾಂತ್ಯಕ್ಕೆ ₨86,010 ಕೋಟಿಯಷ್ಟು ಇಳಿಕೆ ಕಂಡು, ₨19,164,98 ಕೋಟಿಯಷ್ಟಿತ್ತು.
ವಿದೇಶಿ ಕರೆನ್ಸಿ ಸಂಗ್ರಹವು ಅ.10ರ ವಾರಾಂತ್ಯದಲ್ಲಿ ₨78.690 ಕೋಟಿ ಏರಿಕೆಯಾಗಿದ್ದು, ₨17,499,68 ಕೋಟಿಯಷ್ಟಾಗಿದೆ. ಅಂತರರಾಷ್ಟ್ರೀಯ ಹಣಕಾಸು ನಿಧಿ ಯಲ್ಲಿ (ಐಎಂಎಫ್) ಭಾರತದ ಹೊಂದಿರುವ ವಿದೇಶಿ ವಿನಿಮಯದ ಪಾಲು ₨330 ಲಕ್ಷ ಕೋಟಿಯಷ್ಟು ಏರಿಕೆ ಆಗಿದ್ದು, ಒಟ್ಟಾರೆ ₨93,940 ಕೋಟಿಯಷ್ಟಾಗಿದೆ ಎಂದು ಆರ್ಬಿಐ ಹೇಳಿದೆ.