ಕೊಚ್ಚಿ (ಪಿಟಿಐ): ಬಾಂಬ್ ಸ್ಫೋಟ ಮತ್ತು ಆತ್ಮಾಹುತಿ ದಾಳಿ ಬೆದರಿಕೆ ಕಾರಣ ಎರಡನೇ ದಿನವಾದ ಶನಿವಾರವೂ ಕೊಚ್ಚಿ ವಿಮಾನ ನಿಲ್ದಾಣದಲ್ಲಿ ಭದ್ರತಾ ವ್ಯವಸ್ಥೆಯನ್ನು ಬಿಗಿಗೊಳಿಸಲಾಗಿತ್ತು.
ಮುಂಬೈನಿಂದ ಬೆಳಿಗ್ಗೆ 7.40ಕ್ಕೆ ವಿಮಾನವು ಇಲ್ಲಿಗೆ ಬಂದಾಗ ಹೆಚ್ಚಿನ ಭದ್ರತೆ ಮಾಡಲಾಗಿತ್ತು. ಮುಂಬೈ– ಕೊಚ್ಚಿ ಮತ್ತು ಅಹಮದಾಬಾದ್–ಮುಂಬೈ ನಡುವೆ ಸಂಚರಿಸುವ ಏರ್ ಇಂಡಿಯಾ ವಿಮಾನಗಳನ್ನು ಸ್ಫೋಟಿಸುವುದಾಗಿ ಬೆದರಿಕೆ ಕರೆ ಬಂದಿದ್ದ ಕಾರಣ ಶುಕ್ರವಾರದಿಂದ ಕಟ್ಟೆಚ್ಚರ ವಹಿಸಲಾಗಿದೆ.
