ಬೆಂಗಳೂರು: ಚಿನ್ನಸ್ವಾಮಿ ಕ್ರೀಡಾಂಗಣ ದಲ್ಲಿ ಭಾನುವಾರ ಕಂಡು ಬಂದ ರೋಚಕ ಹೋರಾಟದಲ್ಲಿ ಆರ್ಸಿಬಿ ಗೆಲುವಿನ ಹೊಸ್ತಿಲಲ್ಲಿ ಎಡವಿತು. ಬ್ಯಾಟಿಂಗ್ ಮತ್ತು ಬೌಲಿಂಗ್ನಲ್ಲಿ ಅಮೋಘ ಪ್ರದರ್ಶನ ನೀಡಿದ ಸನ್ರೈಸರ್ಸ್ ಹೈದರಾಬಾದ್ ತಂಡ ಐಪಿಎಲ್ ಒಂಬತ್ತನೇ ಆವೃತ್ತಿಯಲ್ಲಿ ಚಾಂಪಿಯನ್ ಆಯಿತು.
ಸನ್ರೈಸರ್ಸ್ ತಂಡ ಪ್ರಶಸ್ತಿ ಗೆಲ್ಲಲು ನಾಯಕ ಡೇವಿಡ್ ವಾರ್ನರ್ ಪ್ರಮುಖ ಕಾರಣರಾದರು. ಅತ್ಯಂತ ಯೋಜನಾ ಬದ್ಧ ನಾಯಕತ್ವದ ಜೊತೆಗೆ ವಾರ್ನರ್ ಬ್ಯಾಟಿಂಗ್ನಲ್ಲಿಯೂ ಅಬ್ಬರಿಸಿದರು.
ಬೆಂಗಳೂರಿನ ತಂಡ 2009 ಮತ್ತು 2011ರ ಟೂರ್ನಿಯಲ್ಲಿ ಫೈನಲ್ ಪ್ರವೇಶಿಸಿ ನಿರಾಸೆ ಕಂಡಿತ್ತು. ಈ ಬಾರಿಯೂ ರನ್ನರ್ಸ್ ಅಪ್ ಸ್ಥಾನಕ್ಕೆ ತೃಪ್ತಿಪಡಬೇಕಾಯಿತು. ಸನ್ರೈಸರ್ಸ್ ತಂಡ ಆಡಿದ ಚೊಚ್ಚಲ ಫೈನಲ್ನಲ್ಲಿ ಪ್ರಶಸ್ತಿ ಮುಡಿಗೇರಿಸಿಕೊಂಡಿತು.