ಲಂಡನ್ (ಎಪಿ): ಅಕ್ರಮವಾಗಿ ಬ್ರಿಟನ್‌ನ ಸರಕು ಸಾಗಣೆ ರೈಲನ್ನು ಏರಲು ಸುಮಾರು 150 ವಲಸಿಗರು ಫ್ರಾನ್ಸ್‌ ಟರ್ಮಿನಲ್‌ಗೆ ನುಗ್ಗಿದ್ದರಿಂದ ಕೆಲವು ಗಂಟೆಗಳ ಕಾಲ ಬ್ರಿಟನ್ ಮತ್ತು ಫ್ರಾನ್ಸ್‌ಗೆ ಸಂಪರ್ಕ ಕಲ್ಪಿಸುವ ಸುರಂಗ ರೈಲು ಮಾರ್ಗ ಸ್ಥಗಿತಗೊಂಡಿತ್ತು.
ಶನಿವಾರ ಬೆಳಿಗ್ಗೆ 2 ಗಂಟೆ ಸುಮಾರಿಗೆ ಸುರಂಗ ಮಾರ್ಗದ ನಿಷೇಧಿತ ಸ್ಥಳಕ್ಕೆ ಅಕ್ರಮ ವಲಸಿಗರು ನುಗ್ಗಿದ್ದರಿಂದ ರೈಲು ಸಂಚಾರ ಸ್ಥಗಿತಗೊಂಡಿತ್ತು ಎಂದು ಮಾರ್ಗದ ನಿರ್ವಾಹಕ ಹೇಳಿದ್ದಾರೆ. ಈ ಪ್ರದೇಶದಲ್ಲಿ ಇತ್ತೀಚೆಗೆ ಹೆಚ್ಚಿರುವ ವಲಸಿಗರ ಅಕ್ರಮ ನುಸುಳುವಿಕೆ ತಡೆಯುವಂತೆ ಕೂಗು ಕೇಳಿ ಬರುತ್ತಿದೆ.
