ರಾಜ್ಯದ ಪ್ರತಿ ಸರ್ಕಾರಿ ಬಸ್ ನಿಲ್ದಾಣದಲ್ಲೂ ಸಾರ್ವಜನಿಕ ಶೌಚಾಲಯಗಳಿವೆ. ಆ ಶೌಚಾಲಯಗಳ ಗೋಡೆ ಮೇಲೆ ‘ಮೂತ್ರ ವಿಸರ್ಜನೆಗೆ ಉಚಿತ ಮತ್ತು ಮಲ ವಿಸರ್ಜನೆಗೆ 1 ಅಥವಾ 2 ರೂಪಾಯಿ’ ಎಂದು ಬರೆಯಲಾಗಿರುತ್ತದೆ. ಈ ಫಲಕ ನೋಡಿ, ಸತ್ಯ ಎಂದು ನಂಬಿ ಹೋದರೆ, ಅಲ್ಲಿರುವ ಶೌಚಾಲಯ ನಿರ್ವಾಹಕರು ‘ನೀವು ಒಳಗಡೆ ಹೋಗಿ ಏನಾದ್ರೂ ಮಾಡಿಕೊಳ್ಳಿ. ಇಲ್ಲಿ 5 ರೂಪಾಯಿ ಇಟ್ಟು ಹೋಗಿ’ ಎನ್ನುತ್ತಾರೆ.
ಗೋಡೆಯ ಮೇಲೆ ನಮೂದಿಸಿರುವಂತೆ ಹಣ ನೀಡುತ್ತೇವೆ ಎಂದರೆ ಅವಾಚ್ಯ ಶಬ್ದಗಳಿಂದ ನಿಂದಿಸುತ್ತಾರೆ. ಇದನ್ನು ಕೇಳಲು ಯಾವೊಬ್ಬ ಅಧಿಕಾರಿಯೂ ಸಮೀಪದಲ್ಲಿ ಇರುವುದಿಲ್ಲ. ಇಂತಹ ಹಗಲು ದರೋಡೆಯನ್ನು ನಿಯಂತ್ರಿಸಲು ಸಾಧ್ಯವಿಲ್ಲವೇ?