ಕ್ವಾಲಾಲಂಪುರ/ಲಂಡನ್‌(ಪಿಟಿಐ): ಎರಡು ವಿಮಾನಗಳ ದುರಂತದಿಂದಾಗಿ ಮಲೇಷ್ಯಾ ಏರ್‌ಲೈನ್ಸ್‌ ವಿಮಾನ ಯಾನ ಸಂಸ್ಥೆ ಇದೀಗ ವಿಮಾನದ ಹೆಸರು ಮತ್ತು ಮಾರ್ಗ ಗಳನ್ನು ಬದಲಿಸಲು ಚಿಂತನೆ ನಡೆಸಿದೆ. ಈ ಮೂಲಕ ದುರಂತದ ಕಹಿನೆನಪು ಮರೆಯುವ ಯತ್ನಕ್ಕೆ ಮುಂದಾಗಿದೆ.
ಆರು ತಿಂಗಳಲ್ಲಿ ಮಲೇಷ್ಯಾ ವಿಮಾನಯಾನ ಸಂಸ್ಥೆಯ ಎರಡು ವಿಮಾನಗಳು ದುರಂತಕ್ಕೀಡಾಗಿವೆ. ಈ ಎರಡರಲ್ಲಿ ಒಟ್ಟು 537 ಜನರು ಮೃತಪಟ್ಟಿದ್ದಾರೆ. ಆದ್ದರಿಂದ ವಿಮಾನಯಾನ ಸಂಸ್ಥೆಯ ಹೆಸರು ಬದಲಿಸುವ ಸಾಧ್ಯತೆ ಇದೆ. ಸಂಸ್ಥೆ ಹೊಸ ಹೂಡಿಕೆದಾರರಿಗಾಗಿಯೂ ಶೋಧ ನಡೆಸಿದೆ ಎಂದು ‘ಟೆಲಿಗ್ರಾಫ್‌’ ವರದಿ ಮಾಡಿದೆ.
ಮಾರ್ಚ್‌ನಲ್ಲಿ ಕ್ವಾಲಾಲಂಪುರದಿಂದ ಬೀಜಿಂಗ್‌ಗೆ ಹೊರಟಿದ್ದ 239 ಪ್ರಯಾಣಿಕರಿದ್ದ ಎಂ.ಎಚ್‌.370 ವಿಮಾನ ಕಣ್ಮರೆಯಾಗಿತ್ತು. ಜುಲೈನಲ್ಲಿ ಆಮ್‌ಸ್ಟರ್‌ ಡ್ಯಾಂನಿಂದ ಕ್ವಾಲಾಲಂಪುರಕ್ಕೆ ಹೊರಟಿದ್ದ 298 ಪ್ರಯಾ ಣಿಕರಿದ್ದ ಎಂ.ಎಚ್‌.777 ವಿಮಾನವನ್ನು ಉಕ್ರೇನ್‌ನಲ್ಲಿ ಕ್ಷಿಪಣಿ ದಾಳಿ ನಡೆಸಿ ಹೊಡೆದುರುಳಿಸಲಾಗಿತ್ತು.
