ಕೋಕ್ರಝಾರ್‌ (ಅಸ್ಸಾಂ)(ಪಿಟಿಐ): ಬೋಡೊ ಪ್ರತ್ಯೇಕತಾವಾದಿ ಉಗ್ರರು ನಡೆಸಿದ ದಾಳಿಯಲ್ಲಿ ಮೂರು ಜನ ಮೃತಪಟ್ಟು, ಇಬ್ಬರು ಗಂಭೀರವಾಗಿ ಗಾಯಗೊಂಡಿರುವ ಘಟನೆ ಬುಧವಾರ ಇಲ್ಲಿ ನಡೆದಿದೆ.
ಅಸ್ಸಾಂ – ಬಂಗಾಳ ಗಡಿಪ್ರದೇಶದಲ್ಲಿನ ಮಾರ್ನೋಯಿ ಟೀ ಎಸ್ಟೇಟ್‌ನಲ್ಲಿ ಸೇತುವೆ ನಿರ್ಮಾಣಕ್ಕಾಗಿ ಟ್ರಕ್‌ನಲ್ಲಿ ನಿರ್ಮಾಣ
ಸಾಮಾಗ್ರಿಗಳನ್ನು ಕೊಂಡೊಯ್ಯುತ್ತಿದ್ದಾಗ ಸುಮಾರು ಮಧ್ಯಾಹ್ನ 12.45ರ ವೇಳೆಗೆ ಬೋಡೊ ಉಗ್ರರು ದಾಳಿ ನಡೆಸಿದ್ದಾರೆ.
ಈ ವೇಳೆ ಟ್ರಕ್‌ ಚಾಲಕ ಹಾಗೂ ಇನ್ನಿಬ್ಬರು ಕೆಲಸಗಾರರು ಸ್ಥಳದಲ್ಲೇ ಮೃತಪಟ್ಟಿದ್ದಾರೆ. ಇಬ್ಬರು ಕೆಲಸಗಾರರು ಗಂಭೀರವಾಗಿ ಗಾಯಗೊಂಡಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ. ಮೃತರನ್ನು ರಜಿಬ್‌ ಮುಶಹರಿ, ಅಸತುನ್‌ ಬೀಬಿ ಹಾಗೂ ಅಶಬುಲ್‌ ಶೇಖ್‌ ಎಂದು ಗುರುತಿಸಲಾಗಿದೆ.
ಗಾಯಾಳು ಆಯುಫ್‌ ರೆಹಮಾನ್‌ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಕೋಕ್ರಝಾರ್‌ ಕ್ಷೇತ್ರದಲ್ಲಿ ಏಪ್ರಿಲ್ 24ರಂದು ಚುನಾವಣೆ ನಡೆಯಲಿದೆ.
