ಬೆಂಗಳೂರು: ‘ಸ್ಮಾರ್ಟ್ ಸಿಟಿ’ಗೆ ಕನ್ನಡದಲ್ಲಿ ಪರ್ಯಾಯ ಪದ ಸೂಚಿಸುವ ಸ್ಪರ್ಧೆಯನ್ನು ಸ್ಮಾರ್ಟ್ ಸಿಟೀಸ್ ಇಂಡಿಯಾ ಫೌಂಡೇಶನ್ (ಎಸ್ಸಿಐಎಫ್) ಹಮ್ಮಿಕೊಂಡಿದೆ. ಎಸ್ಸಿಐಎಫ್ ರಚಿಸಿರುವ ತೀರ್ಪುಗಾರರ ತಂಡವು ಅತ್ಯುತ್ತಮ ಪದವನ್ನು ಆಯ್ಕೆ ಮಾಡಲಿದೆ.
ಉತ್ತಮ ಪದ ಸೂಚಿಸುವವರಿಗೆ ₹10 ಸಾವಿರ ನಗದು ಬಹುಮಾನ ಇದೆ. ಅರ್ಜಿ ಕಳುಹಿಸಲು ಅಕ್ಟೋಬರ್ 10 ಕೊನೆ ದಿನ. ಹೆಚ್ಚಿನ ಮಾಹಿತಿಗೆ www.thescif.in ವೆಬ್ಸೈಟ್ಗೆ ಭೇಟಿ ನೀಡಬಹುದು ಎಂದು ಎಸ್ಸಿಐಎಫ್ ಅಧ್ಯಕ್ಷ ಎ. ರವೀಂದ್ರ ಅವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.