ನವದೆಹಲಿ (ಪಿಟಿಐ): ‘ವಿಂಡೋಸ್ 2003’ ಕಾರ್ಯಾಚರಣೆ ವ್ಯವಸ್ಥೆಯ (ಆಪರೇಟಿಂಗ್ ಸಿಸ್ಟಂ) ಅವಧಿ 2015ರ ಜುಲೈಗೆ ಕೊನೆಗೊಳ್ಳುತ್ತದೆ ಎಂದು ಮೈಕ್ರೊಸಾಫ್ಟ್ ಘೋಷಿಸಿದೆ. ಇದನ್ನು ಬಳಸುತ್ತಿರುವವರು ನೂತನ ಕಾರ್ಯಾಚರಣೆ ವ್ಯವಸ್ಥೆಗೆ ಬದಲಿಸಿಕೊಳ್ಳಿ ಅಥವಾ ಸೂಕ್ತ ಭದ್ರತಾ ವ್ಯವಸ್ಥೆ ಅಳವಡಿಸಿಕೊಳ್ಳಿ ಎಂದು ಸೈಬರ್ ಭದ್ರತಾ ತಜ್ಞರು ಸೂಚನೆ ನೀಡಿದ್ದಾರೆ.
2015ರ ಜುಲೈ 14ರ ನಂತರ ವಿಂಡೋಸ್ 2003ಗೆ ಸಂಬಂಧಿಸಿದ ಸರ್ವರ್ ತನ್ನ ಕಾರ್ಯಚಟುವಟಿಕೆ ಸ್ಥಗಿತಗೊಳಿಸಲಿದೆ. ನಂತರ ಈ ವ್ಯವಸ್ಥೆಗೆ ಸಂಬಂಧಿಸಿದ ಯಾವುದೇ ಭದ್ರತಾ ಸೇವೆ ಮತ್ತು ಅಪ್ಡೇಟ್ಗಳು ಲಭ್ಯವಿರುವುದಿಲ್ಲ.
ಈ ಅವಧಿಯ ನಂತರ ಹ್ಯಾಕಿಂಗ್ಗಳನ್ನು ತಡೆಗಟ್ಟುವಷ್ಟು ಈ ವ್ಯವಸ್ಥೆ ಶಕ್ತವಾಗಿರುವುದಿಲ್ಲ ಎಂದು ಮೈಕ್ರೊಸಾಫ್ಟ್ ಘೋಷಿಸಿದೆ. ಇದರಿಂದ ಈ ವ್ಯವಸ್ಥೆ ಬಳಸುತ್ತಿರುವ ಕಂಪ್ಯೂಟರ್ನಲ್ಲಿರುವ ವ್ಯಾವಹಾರಿಕ ದತ್ತಾಂಶ ಮತ್ತು ಬೌದ್ಧಿಕ ಮಾಹಿತಿಗಳಿಗೆ ಯಾವುದೇ ಭದ್ರತೆ ಇರುವುದಿಲ್ಲ ಎಂದು ತಜ್ಞರು ಹೇಳಿದ್ದಾರೆ. ಹೀಗಾಗಿ ವಿಂಡೋಸ್ 2003 ಬಳಸುತ್ತಿರುವವರು ಬೇರೆ ಕಾರ್ಯಾಚರಣೆ ವ್ಯವಸ್ಥೆ ಅಳವ ಡಿಸಿಕೊಳ್ಳುವುದು ಒಳಿತು ಎಂದರು.
2015ರ ಜುಲೈ 14ರವರೆಗೂ ವಿಂಡೋಸ್ 2003ಗೆ ಸಂಬಂಧಿಸಿದಂತೆ ಭದ್ರತಾ ಮತ್ತು ಇತರೆ ಅಪ್ಡೇಟ್ಗಳು ಲಭ್ಯವಿರಲಿವೆ.