ಪಾಂಡವಪುರ: ತಾಲ್ಲೂಕಿನ ದೊಡ್ಡಬ್ಯಾಡರಹಳ್ಳಿ ಬಳಿ ಮೈಸೂರು-ಬೆಂಗಳೂರು ಜೋಡಿ ರೈಲು ಮಾರ್ಗ ನಿರ್ಮಾಣಕ್ಕೆ ಭೂಮಿ ಕಳೆದುಕೊಂಡಿ ರುವ ರೈತರಿಗೆ ಗುಂಟೆಗೆ ₨1.48 ಲಕ್ಷ ಪರಿಹಾರ ನೀಡಲು ಸರ್ಕಾರಕ್ಕೆ ಪ್ರಸ್ತಾವ ಸಲ್ಲಿಸಲು ನಿರ್ಧರಿಸಲಾಗಿದೆ.
ಪಟ್ಟಣದ ಪ್ರವಾಸಿ ಮಂದಿರದಲ್ಲಿ ಶಾಸಕ ಕೆ.ಎಸ್. ಪುಟ್ಟಣ್ಣಯ್ಯ ಹಾಗೂ ಜಿಲ್ಲಾಧಿಕಾರಿ ಡಾ.ಅಜಯ್‌ ನಾಗಭೂಷಣ್ ನೇತೃತ್ವದಲ್ಲಿ ರೈತ ರೊಂದಿಗೆ ಶನಿವಾರ ನಡೆದ ಸಭೆಯಲ್ಲಿ ಈ ತೀರ್ಮಾನ ಕೈಗೊಳ್ಳಲಾಯಿತು. ಅಲ್ಲದೆ, ಮಾರ್ಚ್ 16ರಂದು ಜೋಡಿ ರೈಲು ಮಾರ್ಗದ ಕಾಮಗಾರಿ ಪ್ರಾರಂಭಿ ಸಲು ರೈತರು ಒಪ್ಪಿಗೆ ನೀಡಿದರು.
ಜೋಡಿ ರೈಲು ಮಾರ್ಗಕ್ಕೆ ದೊಡ್ಡಬ್ಯಾಡರಹಳ್ಳಿ ಬಳಿ ಸುಮಾರು 8.6 ಎಕರೆ ಸ್ವಾಧೀನಪಡಿಸಿಕೊಳ್ಳಲಾಗಿತ್ತು. ಈ ಪೈಕಿ ಸುಮಾರು 6 ಎಕರೆ ಜಮೀನಿನ ರೈತರಿಗೆ ಗುಂಟೆಗೆ ₨ 1 ಲಕ್ಷ ದಂತೆ ಉಳಿದ 2.6 ಎಕರೆ ಪ್ರದೇಶದ ರೈತರಿಗೆ ಗುಂಟೆಗೆ ₨ 18 ಸಾವಿರ ಪರಿಹಾರ ನಿಗದಿಗೊಳಿಸ ಲಾಗಿತ್ತು. ಇದನ್ನು ವಿರೋಧಿಸಿದ್ದ ರೈತರು ವೈಜ್ಞಾನಿಕ ಬೆಲೆಗೆ ಆಗ್ರಹಿಸಿದ್ದರು.
ಕೆಳ ಸೇತುವೆ ನಿರ್ಮಾಣ: ದೊಡ್ಡಬ್ಯಾಡರ ಹಳ್ಳಿ ಬಳಿಯ ಜೋಡಿ ರೈಲು ಮಾರ್ಗದಲ್ಲಿ ಸಾರ್ವಜನಿಕರ ಅನುಕೂಲಕ್ಕಾಗಿ ಕೆಳ ಸೇತುವೆ ನಿರ್ಮಾಣ ಮಾಡುವ ಸಂಬಂಧ ಖುದ್ದು ಸ್ಥಳ ಪರಿಶೀಲನೆ ನಡೆಸಲಾಗಿದೆ. ಈ ಸಂಬಂಧ ಕೂಡ ಕ್ರಮಕೈಗೊಳ್ಳಲಾ ಗುವುದು ಎಂದು ಜಿಲ್ಲಾಧಿಕಾರಿ ಡಾ.ಅಜಯ್‌ ನಾಗಭೂಷಣ್ ತಿಳಿಸಿದರು. ಉಪ ವಿಭಾಗಾಧಿಕಾರಿ ಡಾ.ಎಚ್.ಎಲ್. ನಾಗರಾಜು, ತಹಶೀಲ್ದಾರ್ ಡಿ.ಎಸ್. ಶಿವಕುಮಾರಸ್ವಾಮಿ ಇತರೆ ಅಧಿಕಾರಿಗಳು ಹಾಜರಿದ್ದರು.
