‘ಮದುವೆಯಾಗಿ ದಿನಗಳು ಕಳೆಯುತ್ತ ಬಂದರೂ, ಮಕ್ಕಳಾಗುವ ಭಾಗ್ಯ ಕೂಡಿ ಬರಲಿಲ್ಲ. ಹೀಗಾಗಿ, ನಾನು ಮತ್ತು ನನ್ನ ಪತಿ ಮಕ್ಕಳಿಲ್ಲದಿರುವ ಕೊರಗನ್ನು ಗಿಡ ನೆಡುವುದರಲ್ಲಿ ಮತ್ತು ಪೋಷಿಸುವುದರಲ್ಲಿ ಕಂಡುಕೊಂಡೆವು. ಇದರಲ್ಲಿಯೇ ಜೀವನ ಸಾರ್ಥಕ-ವಾಯಿತು. ಅಂದಿನಿಂದ, ಮರಗಳೇ ಮಕ್ಕಳಾದರು’ ಎಂದು ನುಡಿದರು.
‘ಇಡೀ ಮನೆಯು ಪ್ರಶಸ್ತಿಗಳು, ಪ್ರಶಸ್ತಿ ಪತ್ರಗಳು, ಪಾರಿತೋಷಕಗಳಿಂದ ತುಂಬಿದೆ. ಆದರೂ, ಬದುಕು ಸವೆಸುವುದು ಇಂದು ದುಸ್ತರವಾಗಿದೆ. ಸಾಲು ಮರಗಳನ್ನು ನೆಟ್ಟು ಬೆಳೆಸಿದ ತಿಮ್ಮಕ್ಕನ ಹತ್ತಿರ ಇಂದು ಒಂದು ಬಿಡಿಕಾಸೂ ಇಲ್ಲ’ ಎಂದು ವ್ಯಂಗ್ಯವಾಡಿದರು.
‘ಎಷ್ಟು ಮರಗಳನ್ನು ನೆಟ್ಟಿದ್ದೇವೆ ಎಂದು ಲೆಕ್ಕ ಇಟ್ಟು ನೆಟ್ಟಿಲ್ಲ. ಪಠ್ಯದಲ್ಲಿ ಒಂದು ಕಡೆ 284 ಮರಗಳೆಂದು ಇನ್ನೊಂದು ಕಡೆಯಲ್ಲಿ 484 ಮರಗಳೆಂದು ಹೇಳುತ್ತಾರೆ. ಅಸಲಿ ಎಷ್ಟು ಮರಗಳಿವೆ ಎಂದು ತಿಳಿದಿಲ್ಲ’ ಎಂದರು.