ಬೆಂಗಳೂರು: ಅಲ್ಫಾಬೆಟ್ ಒಡೆತದ ಸರ್ಚ್ ಎಂಜಿನ್ 'ಗೂಗಲ್', ತನ್ನ ಆ್ಯಪ್ ಸ್ಟೋರ್ ವೇದಿಕೆಯಲ್ಲಿನ ಕಾರ್ಯಾಚರಣೆಗೆ ಸೇವಾ ವೆಚ್ಚ ಪಾವತಿಸದ 10 ಕಂಪನಿಗಳ ವಿರುದ್ಧ ಕ್ರಮ ಕೈಗೊಳ್ಳಲು ಮುಂದಾಗಿದೆ.
ಆ್ಯಪ್ಗಳನ್ನು ಪ್ಲೇಸ್ಟೋರ್ನಿಂದ ತೆಗೆಯುವುದಾಗಿಯೂ ಹೇಳಿರುವ ಗೂಗಲ್, ಕಂಪನಿಗಳ ಹೆಸರುಗಳನ್ನು ಉಲ್ಲೇಖಿಸಿಲ್ಲ.
'ಸುಸ್ಥಿತಿಯಲ್ಲಿರುವವುಗಳೂ ಸೇರಿದಂತೆ 10 ಕಂಪನಿಗಳು ನ್ಯಾಯಾಲಯದಿಂದ ಮಧ್ಯಂತರ ರಕ್ಷಣೆಯನ್ನು ಪಡೆದುಕೊಂಡಿವೆ. ಅದರೊಂದಿಗೆ ಕಂಪನಿಗಳು ಗೂಗಲ್ ಪ್ಲೇ ಸ್ಟೋರ್ ಮೂಲಕ ಅಪಾರ ಮೊತ್ತ ಪಡೆದರೂ, ಸೇವಾ ವೆಚ್ಚ ಪಾವತಿಸದಿರಲು ನಿರ್ಧರಿಸಿವೆ' ಎಂದು ಟೆಕ್ ದೈತ್ಯ 'ಗೂಗಲ್' ತಿಳಿಸಿದೆ.