‘ಒಂದು ಕಾಂಪ್ಯಾಕ್ಟರ್ ಬೆಲೆ ₹35.5 ಲಕ್ಷ. ಆದರೆ ಅದರ ಐದು ವರ್ಷದ ನಿರ್ವಹಣೆಗಾಗಿ ನೀಡುವ ಮೊತ್ತವೇ ₹38.6 ಲಕ್ಷ! ವಿಶೇಷವೆಂದರೆ ಈ ನಿರ್ವಹಣೆ ಮೊತ್ತದಲ್ಲಿ ಇಂಧನ ವೆಚ್ಚ, ರಿಪೇರಿ ಮತ್ತು ಚಾಲಕರ ಸಂಬಳ ಸಹ ಸೇರಿಲ್ಲ’ ಎನ್ನುತ್ತಾರೆ ಹೆಸರು ಹೇಳಲು ಇಚ್ಛಿಸದ ಪಾಲಿಕೆಯ ಅಧಿಕಾರಿಯೊಬ್ಬರು.
ಈ ಕುರಿತಂತೆ ಪ್ರತಿಕ್ರಿಯಿಸಿದ ಪಾಲಿಕೆ ಆಯುಕ್ತ ಜಿ.ಕುಮಾರ್ ನಾಯಕ್ ‘ನಿರ್ವಹಣಾ ವೆಚ್ಚ ಕೆಲವರ ಗಮನ ಸೆಳೆದಿರಬಹುದು. ಆದರೆ ತಾಜ್ಯ ವಿಲೇವಾರಿ ವ್ಯವಸ್ಥಿತವಾಗಿ ನಡೆಯಬೇಕಾದರೆ ನಿರ್ವಹಣೆಗೆ ಅಷ್ಟು ವೆಚ್ಚ ಮಾಡಲೇಬೇಕಾಗುತ್ತದೆ’ ಎಂದು ಹೇಳಿದರು.