ಮಳೆ ಈಚೀಚೆಗೆ ವಿಪರೀತ ಚೆಲ್ಲಾಟವಾಡುತ್ತಿದೆ. ಮೋಡ ಕವಿದ ವಾತಾವರಣದಲ್ಲಿ ಮನುಷ್ಯರ ಪಾಡೇನೋ ಸ್ಪಷ್ಟವಾಗಿ ಕಾಣುತ್ತದೆ. ಆದರೆ, ಪಕ್ಷಿಗಳ ಕಥೆ? ತೋಯ್ದು ತೊಪ್ಪೆಯಾದಾಗ ಹಕ್ಕಿಗಳ ಸ್ಥಿತಿ ತುಂಬಾ ಕಷ್ಟ. ರೆಕ್ಕೆ ಬಿಚ್ಚಿ ಇಷ್ಟ ಬಂದ ಕಡೆಗೆ ಹಾರಲಾಗದ, ಮಳೆ ಹನಿ ಬೀಳದ ಸುರಕ್ಷಿತ ಜಾಗ ತಲುಪಲಾಗದ ಸ್ಥಿತಿ ಅವುಗಳದ್ದು. ಮರಕುಟುಕ ಹಕ್ಕಿಗಳ ರೆಕ್ಕೆಗಳಂತೂ ನೆಂದ ಮೇಲೆ ಬಿಚ್ಚಲಾರದಷ್ಟು ಜಡವಾಗಿಬಿಡುತ್ತವೆ. ಜನದಟ್ಟಣೆಯ ಈ ನಗರದಲ್ಲಿ ಹನಿಗಳ ಅಡಿಗೆ ಸಿಕ್ಕ ಹಕ್ಕಿಗಳು ಕಾಣುವುದು ಅಪರೂಪ. ಅಂಥ ಹಕ್ಕಿಗಳನ್ನು, ಅವುಗಳ ಚಳಿಪದ್ಯಗಳ ಚಿತ್ರಗಳನ್ನು ಕಟ್ಟಿಕೊಟ್ಟಿದ್ದಾರೆ ವಿಶ್ವನಾಥ್‌ ಸುವರ್ಣ.
