ನವದೆಹಲಿ: ಅಮೆರಿಕ ಮೂಲದ ಚಿಪ್‌ ತಯಾರಿಕಾ ಸಂಸ್ಥೆ ಕ್ವಾಲ್ಕಾಂ , ಭಾರತದಲ್ಲಿ ಮೊಬೈಲ್‌ ತಯಾರಿಸಲು ಒಲವು ವ್ಯಕ್ತಪಡಿಸಿದೆ. ಭಾರತಕ್ಕೆ ಭೇಟಿ ನೀಡಿರುವ ಸಂಸ್ಥೆಯ ಕಾರ್ಯನಿರ್ವಾಹಕ ನಿರ್ದೇಶಕ ಪೌಲ್‌ ಜಾಕೋಬ್ಸ್‌ ಅವರು ಸೋಮವಾರ ಇಲ್ಲಿ ಈ ಮಾಹಿತಿ ನೀಡಿದರು.
ಸಚಿವ ರವಿ ಶಂಕರ್‌ ಪ್ರಸಾದ್‌ ಅವರನ್ನು ಭೇಟಿಯಾದ ಸಂದರ್ಭದಲ್ಲಿ ಮೊಬೈಲ್‌ಗಳಂತಹ ಸಂಪರ್ಕ ಸಾಧನಗಳಲ್ಲಿ ಬಳಕೆಯಾಗುವ ಚಿಪ್‌ ತಯಾರಿಕೆ ಮತ್ತು ಸಂಸ್ಥೆಯ ಉಪಗ್ರಹ ಸಂಪರ್ಕ ಯೋಜನೆಗಳ ಬಗ್ಗೆ ಮಾತುಕತೆ ನಡೆಸಿದರು.
ಮೊಬೈಲ್‌ ತಂತ್ರಜ್ಞಾನ ರಂಗದಲ್ಲಿ ಕಾರ್ಯನಿರ್ವಹಿಸುತ್ತಿರುವ ಸ್ಟಾರ್ಟ್‌ಅಪ್‌ಗಳಲ್ಲಿ ₹ 1,005 ಕೋಟಿ ಬಂಡವಾಳ ತೊಡಗಿಸಲಿದೆ.
