ರಾಜ್ಯದ ಹೆಮ್ಮೆಯ ಕಟ್ಟಡ

ಕೋಲ್ಕತ್ತ, ರಾಷ್ಟ್ರದ ರಾಜಧಾನಿಯಾಗಿದ್ದ  ಸಂದರ್ಭದಲ್ಲಿ ಅಲ್ಲಿ ಹಲವಾರು ವಸಾಹತು ಕಟ್ಟಡಗಳಿಗೆ ರೂವಾರಿಯಾಗಿದ್ದ ವೈಸರಾಯ್‌ ಲಾರ್ಡ್‌ ಕರ್ಜನ್‌ ಪರಿಕಲ್ಪನೆಯಲ್ಲಿಯೇ ಮೈದಾಳಿದೆ ಕಬ್ಬನ್‌ಪಾರ್ಕ್‌ನಲ್ಲಿರುವ ಕೇಂದ್ರ ಗ್ರಂಥಾಲಯ. ಇಡೀ ಕಟ್ಟಡದ ಹೊರ ಮೈಗೆ ಕೆಂಪು ಇಟ್ಟಿಗೆ ಹೊದಿಸಿದ್ದು ಈಗಿನ ಪ್ರವೇಶ ದ್ವಾರವಿರುವ ಚೌಕಾಕಾರದ ವಿನ್ಯಾಸಕ್ಕೆ ಕಲ್ಲು ಕಂಬಗಳನ್ನು ಉಪಯೋಗಿಸಿದೆ. ಒಳ್ಳೆಯ ಗಾಳಿ ಬೆಳಕು ಬರುವಂತೆ ಕಲಾಕರ್ಷಕ ಕಮಾನನ್ನು ಒಳಗೊಂಡ ಕಿಟಕಿಗಳು ಗೋಡೆಯನ್ನು ಆವರಿಸಿಕೊಂಡಿವೆ.