₹20 ಎಳನೀರಿಗೆ ₹2,000 ನೋಟು!

ಬೆಂಗಳೂರು: ಎಳನೀರು ಕುಡಿದ ವ್ಯಕ್ತಿಯೊಬ್ಬರು ನೀಡಿದ ₹ 2,000 ನೋಟಿಗೆ ಚಿಲ್ಲರೆ ಸಿಗದೇ ಮಾರಾಟಗಾರ ಪರದಾಡಿದ ಪ್ರಸಂಗವೊಂದು ಮಂಗಳವಾರ ಇಲ್ಲಿ ನಡೆದಿದೆ.

. ನಗರದ ಮಲ್ಲೇಶ್ವರಂ ರೈಲು ನಿಲ್ದಾಣದ ಬಳಿ ತಳ್ಳುಗಾಡಿಯಲ್ಲಿ ಎಳನೀರು ಮಾರಾಟ ಮಾಡುತ್ತಿದ್ದ ನಂಜಪ್ಪ ಬಳಿ ಮಂಗಳವಾರ ಬೆಳಿಗ್ಗೆ ಎಳನೀರು ಕುಡಿದ ಗ್ರಾಹಕನೊಬ್ಬ ₹ 2,000 ನೋಟು ನೀಡಿದ!

. ‘ಕುಡಿದದ್ದು ₹20 ಎಳನೀರು, ನೀಡಿದ್ದು ₹2000 ನೋಟು! ಚಿಲ್ಲರೆ ಎಲ್ಲಿಂದ ತರಲಿ ಸ್ವಾಮಿ? ಚಿಲ್ಲರೆ ಇದ್ದರೆ ಕೊಡಿ’ ಎಂದು ನಂಜಪ್ಪ ಕೇಳಿದ. ಜೇಬುಗಳನ್ನು ತಡಕಾಡಿದ ಗ್ರಾಹಕ ‘ನನ್ನ ಬಳಿ ₹ 2,000 ನೋಟು ಬಿಟ್ಟರೆ ಬಿಡಿಗಾಸೂ ಇಲ್ಲ. ಮೇಲಾಗಿ ನನಗೆ ಇಲ್ಲಿ ಯಾರ ಪರಿಚಯವೂ ಇಲ್ಲದ ಕಾರಣ ಚಿಲ್ಲರೆ ಸಿಗುವುದೂ ಕಷ್ಟ’ ಎಂದ. ಚಿಲ್ಲರೆ ಹುಡುಕುವ ಹೊಣೆ ಎಳನೀರು ಮಾರಾಟಗಾರ ನಂಜಪ್ಪನ ಹೆಗಲೇರಿತು.

. ವ್ಯಾಪಾರ ಬಿಟ್ಟು ಚಿಲ್ಲರೆಗಾಗಿ ಅಲೆದು ಸುಸ್ತಾದ ನಂಜಪ್ಪ ಎದುರಿಗೆ ಸಿಕ್ಕವರ ಬಳಿ ಚಿಲ್ಲರೆ ನೀಡುವಂತೆ ಕೇಳುತ್ತಿದ್ದ. ‘ಒಂದು ವಾರದಿಂದ ವ್ಯಾಪಾರ ಇಲ್ಲ. ದಿನವಿಡಿ ಎಳನೀರು ಮಾರಾಟ ಮಾಡಿದರೂ ₹ 2,000 ಸಿಗುವುದಿಲ್ಲ. ಅಂತಹ ಸ್ಥಿತಿಯಲ್ಲಿ ₹20 ಎಳನೀರಿಗೆ ಇಷ್ಟೊಂದು ದೊಡ್ಡ ನೋಟು ನೀಡಿದರೆ ಹೇಗೆ ಸ್ವಾಮಿ? ನಾನು ಬಡವ’ ಎಂದು ಅಲವತ್ತುಕೊಂಡಿದ್ದೂ ಆಯಿತು.

. ನಂಜಪ್ಪನಿಗೆ ಎಳನೀರಿನ ₹20 ಕೈತಪ್ಪುತ್ತದೆ ಎನ್ನುವ ಚಿಂತೆಯಾದರೆ. ಎಳನೀರು ಕುಡಿದ ವ್ಯಕ್ತಿ ₹2,000 ಬಿಟ್ಟು ಕದಲುತ್ತಲೇ ಇಲ್ಲ. ಎರಡು ತಾಸು ಕಾಯ್ದರೂ ₹2,000 ನೋಟಿಗೆ ಚಿಲ್ಲರೆ ಸಿಗಲಿಲ್ಲ. ಅಷ್ಟೊತ್ತಿಗಾಗಲೇ ಜನರ ದೊಡ್ಡ ದಂಡು ಅಲ್ಲಿ ಸೇರಿತ್ತು.

. ‘ಎಳನೀರು ಮಾರಾಟಗಾರ ಇಲ್ಲಿಯೇ ಇರುತ್ತಾನೆ. ಆತನಿಗೆ ₹20 ತಂದು ಕೊಟ್ಟು ₹2,000 ನೋಟು ತೆಗೆದುಕೊಂಡು ಹೋಗಿ’ ಎಂದು ನ್ಯಾಯ ಇತ್ಯರ್ಥ ಪಡಿಸಿದರು.

. ನಂಜಪ್ಪನ ಪರಿಚಯದ ಸ್ಥಳೀಯ ಪಾನ್ಬೀಡಾ ಅಂಗಡಿಯ ಮಾಲೀಕ ಮಧ್ಯಸ್ಥಿಕೆವಹಿಸಿ ಗ್ರಾಹಕನ ಮನವೊಲಿಸಿ, ಚಿಲ್ಲರೆ ತಂದು ₹ 2,000 ನೋಟು ಪಡೆಯುವಂತೆ ಸಲಹೆ ನೀಡಿ ಕಳಿಸಿದ.

. ₹ 20 ಬರುವವರೆಗೆ ನಂಜಪ್ಪ ತಾತ್ಕಾಲಿಕವಾಗಿ ₹ 2,000 ನೋಟಿನ ಒಡೆಯನಾದ ಖುಷಿಯಲ್ಲಿ ಕೈಯಲ್ಲಿ ನೋಟು ಹಿಡಿದು ಮೊಬೈಲ್ಗೆ ಪೋಸು ನೀಡಿದ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

₹20 ಎಳನೀರಿಗೆ ₹2,000 ನೋಟು!

ಚಿನಕುರುಳಿ: ಗುರುವಾರ, 13 ನವೆಂಬರ್ 2025

Gold, Silver Rate | ಚಿನ್ನದ ದರ ₹3 ಸಾವಿರ, ಬೆಳ್ಳಿ ಬೆಲೆ ₹7,700 ಏರಿಕೆ

PHOTOS: ನಟಿ ಪ್ರಿಯಾಂಕಾ ಉಪೇಂದ್ರ ಹುಟ್ಟುಹಬ್ಬದ ಸಂಭ್ರಮದಲ್ಲಿ ತಾರೆಯರ ಸಮಾಗಮ

ಲಂಚ: ಮೂರು ಸಿಬ್ಬಂದಿ ಲೋಕಾಯುಕ್ತ ಬಲೆಗೆ

IND vs SA 1st Test: ಬೂಮ್ರಾಗೆ 2 ವಿಕೆಟ್; ಊಟದ ವಿರಾಮಕ್ಕೆ ದ.ಆಫ್ರಿಕಾ 105/3

93 ವರ್ಷಗಳ ಭಾರತ ಕ್ರಿಕೆಟ್‌ ಇತಿಹಾಸದಲ್ಲಿ ಇದೇ ಮೊದಲು: ಹೊಸ ಪ್ರಯೋಗ ಮಾಡಿದ ಗಿಲ್

PAK vs SL| ಶ್ರೀಲಂಕಾ ತಂಡದ ಭದ್ರತೆಯನ್ನು ಸೇನೆಗೆ ವಹಿಸಿದ ಪಾಕ್‌ ಸರ್ಕಾರ

IND vs SA 1st Test: ಭಾರತದ ಬ್ಯಾಟರ್‌ಗಳಿಗೆ 'ಸ್ಪಿನ್ ಟೆಸ್ಟ್'

ಒಳನೋಟ | Bengaluru Tunnel Road: ಸುರಂಗ; ವಿ–ವಾದ ತರಂಗ

ಒಳನೋಟ | ತೋಟಕ್ಕೆ ಕಾಡುಪ್ರಾಣಿಗಳ ದಾಳಿ: ಕೃಷಿಕರಿಗೆ ಕೋತಿ, ನವಿಲು, ಹಂದಿಗಳ ಒಳೇಟು

ಒಳನೋಟ: ಪೌಷ್ಠಿಕ ಯೋಜನೆಯಡಿ ಬುಡಕಟ್ಟು ಜನರಿಗೆ ‘ಕಳಪೆ’ ಆಹಾರ ಪೂರೈಕೆ

ಆಧುನಿಕತೆ ಮಧ್ಯೆ ನಲುಗಿದ ಕುಲಕಸುಬು: ಕತ್ತಲಲ್ಲಿ ಕುಂಬಾರರ ಬದುಕು

ಚಿನಕುರುಳಿ: ಗುರುವಾರ, 13 ನವೆಂಬರ್ 2025

Gold, Silver Rate | ಚಿನ್ನದ ದರ ₹3 ಸಾವಿರ, ಬೆಳ್ಳಿ ಬೆಲೆ ₹7,700 ಏರಿಕೆ

PHOTOS: ನಟಿ ಪ್ರಿಯಾಂಕಾ ಉಪೇಂದ್ರ ಹುಟ್ಟುಹಬ್ಬದ ಸಂಭ್ರಮದಲ್ಲಿ ತಾರೆಯರ ಸಮಾಗಮ

ಲಂಚ: ಮೂರು ಸಿಬ್ಬಂದಿ ಲೋಕಾಯುಕ್ತ ಬಲೆಗೆ