ಕ್ರೀಡೆಯಿಂದ ಸಹೋದರತ್ವ ವೃದ್ಧಿ: ಐಜಿಪಿ

ಬಾಗಲಕೋಟೆ:  ‘ವಾರ್ಷಿಕ ಕ್ರೀಡಾಕೂಟ ಪೊಲೀಸರ ಪಾಲಿಗೆ ಹಬ್ಬವಾಗಿದೆ. ಅಧಿಕಾರಿಗಳು ಹಾಗೂ ಸಿಬ್ಬಂದಿ ಎಂಬ ಬೇಧವಿಲ್ಲದೇ ಎಲ್ಲರೂ ಸೇರಿ ಕೂಟದಲ್ಲಿ ಪಾಲ್ಗೊಳ್ಳುವುದರಿಂದ ಸಹೋದರ ಭಾವನೆ ಬೆಳೆಯುತ್ತದೆ’ ಎಂದು ಬೆಳಗಾವಿ ಉತ್ತರ ವಲಯದ ಪೊಲೀಸ್ ಮಹಾನಿರೀಕ್ಷಕ ಡಾ.ಕೆ.ರಾಮಚಂದ್ರರಾವ್ ಅಭಿಪ್ರಾಯಪಟ್ಟರು.

ಇಲ್ಲಿನ ಪರೇಡ್ ಮೈದಾನದಲ್ಲಿ ಮಂಗಳವಾರ ನಡೆದ ಜಿಲ್ಲಾ ಪೊಲೀಸರ ವಾರ್ಷಿಕ ಕ್ರೀಡಾಕೂಟದ ಸಮಾರೋಪ ಸಮಾರಂಭದಲ್ಲಿ ಪಾಲ್ಗೊಂಡು ಮಾತನಾಡಿದ ಅವರು, ಬಂದೋಬಸ್ತ್ ಕಾರ್ಯಗಳ ಒತ್ತಡದ ಕಾರಣ ಪೊಲೀಸರು ಸಾಮಾನ್ಯವಾಗಿ ಬೇರೆ ಹಬ್ಬಗಳನ್ನು ಆಚರಣೆ ಮಾಡುವುದಿಲ್ಲ ಹಾಗಾಗಿ ಅವರಿಗೆ ವಾರ್ಷಿಕ ಕ್ರೀಡಾಕೂಟವೇ ದೊಡ್ಡ ಹಬ್ಬ ಎಂದು ಹೇಳಿದರು.

ಬಾಗಲಕೋಟೆ ಜಿಲ್ಲೆಗೆ 2016ನೇ ವರ್ಷ ಅತ್ಯಂತ ಶುಭದಾಯಕ ಎಂಬಂತಾಗಿದೆ. ಕಳೆದೊಂದು ವರ್ಷದಿಂದ ಜಿಲ್ಲೆಯಲ್ಲಿ ಯಾವುದೇ ಅಹಿತಕರ ಘಟನೆ, ದೊಡ್ಡ ಪ್ರಮಾಣದ ಅಪರಾಧ ಚಟುವಟಿಕೆಗಳು ಹಾಗೂ ಅವಘಡಗಳು ನಡೆದಿಲ್ಲ. ಸಣ್ಣಪುಟ್ಟ ಅಪರಾಧ ಚಟುವಟಿಕೆಗಳು ನಡೆದಿದ್ದರೂ ಅವುಗಳನ್ನು ಪತ್ತೆ ಮಾಡಲಾಗಿದೆ. ಕಾನೂನು ಮತ್ತು ಸುವ್ಯವಸ್ಥೆ ಪಾಲನೆ ವಿಚಾರದಲ್ಲಿ ಹೆಚ್ಚಿನ ಮುತುವರ್ಜಿ ತೋರಿದ ಎಸ್‌ಪಿ ಎಂ.ಎನ್.ನಾಗರಾಜ್ ಹಾಗೂ  ಸಿಬ್ಬಂದಿಗೆ ಅಭಿನಂದನೆ ಸಲ್ಲಿಸುವೆ ಎಂದರು.

ಎಸ್‌ಪಿ ನಾಗರಾಜ ಅವರಿಗೆ ಡಿಐಜಿ ಹುದ್ದೆಗೆ ಬಡ್ತಿ ದೊರೆತಿದೆ. ಅವರು ಮುಂದಿನ ದಿನಗಳಲ್ಲಿ ಇನ್ನಷ್ಟು ಸಾಧನೆ ಮಾಡಲಿ ಎಂದು ಶುಭಾಶಯ ಕೋರಿದರು. ಮುಕ್ತಾಯ ಸಮಾರಂಭಕ್ಕೆ ಮುನ್ನ ಪೊಲೀಸರು ಮತ್ತು ಪತ್ರಕರ್ತರ ಆಟೋಟ ಚಟುವಟಿಕೆಗಳನ್ನು ಐಜಿಪಿ ವೀಕ್ಷಿಸಿದರು. ಕ್ರೀಡಾಕೂಟದಲ್ಲಿ ಸಾಧನೆ ತೋರಿದವರಿಗೆ ಬಹುಮಾನ ವಿತರಣೆ ಮಾಡಿದರು.

ಸಮಾರಂಭದಲ್ಲಿ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಎಂ.ಎನ್.ನಾಗರಾಜ, ಎಎಸ್‌ಪಿ ಬಿ.ಎಂ.ಲಕ್ಷ್ಮೀಪ್ರಸಾದ್, ಹೆಚ್ಚುವರಿ ಜಿಲ್ಲಾಧಿಕಾರಿ ಎಸ್.ಎನ್.ರುದ್ರೇಶ ಮತ್ತಿತರರು ಪಾಲ್ಗೊಂಡಿದ್ದರು.

ಕೊನೆಯ ದಿನದ ಫಲಿತಾಂಶ ವಿವರ: ಪುರುಷರ ವಿಭಾಗ: 100 ಮೀಟರ್ ಓಟ: ರಾಜು ಡಿ.ದಾಸರ (ಡಿಎಆರ್ ಕಾನ್‌ಸ್ಟೆಬಲ್)–1, ಎಂ.ಎನ್.ಕೊಡೆಶಿ (ಅಪರಾಧ ವಿಭಾಗ)–2, ಎಸ್.ಎನ್.ಮೊರಬದ (ಡಿಎಆರ್)–3.

400 ಮೀಟರ್ ಓಟ: ರಾಜು ಡಿ.ದಾಸರ (ಡಿಎಆರ್)–1, ಪಿ.ಡಿ.ಕಂಬಾರ (ಡಿಎಆರ್)–2, ಎಸ್.ಎಸ್.ಪಾಟೀಲ (ಡಿಎಆರ್)–3.

1500 ಮೀಟರ್ ಓಟ:  ಎಸ್.ಎನ್.ಮರಬದ (ಡಿಎಆರ್)–1, ಎಸ್.ಎಸ್.ಪಾಟೀಲ (ಡಿಎಆರ್)–2, ಬಿ.ವೈ.ಗುರಿಕಾರ–3. 4x100 ಮೀಟರ್ ರಿಲೇ: ಡಿಎಆರ್ ತಂಡ –1, ಬಾಗಲಕೋಟೆ ಶಹರ–2, ಬಾದಾಮಿ–3. 4x400ಮೀಟರ್ ರಿಲೇ:  ಡಿಎಆರ್ ತಂಡ–1, ಹುನಗುಂದ ವೃತ್ತ–2, ಬಾಗಲಕೋಟೆ