ರಾತ್ರಿ ಪಂಚಾಯಿತಿ ಕಚೇರಿ ಒಳಗಿದ್ದು ಪ್ರತಿಭಟನೆ

 

ಪಂಚಾಯಿತಿ ವ್ಯಾಪ್ತಿಯಲ್ಲಿ ನಡೆಯುವ ಕಾಮಗಾರಿಗಳ ವಿಚಾರದಲ್ಲಿ ತಮಗೆ ಸಮರ್ಪಕ ಮಾಹಿತಿಗಳನ್ನು ನೀಡುತ್ತಿಲ್ಲ. ಅಧಿಕಾರಿಗಳು ಬೆಲೆ ಕೊಡುವುದಿಲ್ಲ ಎಂದು ಆರೋಪಿಸಿ ಈ ಪ್ರತಿಭಟನೆ ನಡೆಸಿದ್ದಾರೆ.

 

ವಿಷಯ ತಿಳಿದು ಭಾನುವಾರ ಬೆಳಿಗ್ಗೆ ಸ್ಥಳಕ್ಕೆ ಬಂದ ತಾಲ್ಲೂಕು ಪಂಚಾಯಿತಿ ಇಒ ಲೋಕೇಶ್, ಪೊಲೀಸರು ಹಾಗೂ ಮಹಿಳಾ ಸಂಘಟನೆಗಳ ಪದಾಧಿಕಾರಿಗಳು ಅವರನ್ನು ಮನವೊಲಿಸಿ ಪ್ರತಿಭಟನೆ ಅಂತ್ಯಗೊಳಿಸಿದ್ದಾರೆ. ಶನಿವಾರ ಗ್ರಾಮ ಪಂಚಾಯಿತಿಯಲ್ಲಿ ಇದ್ದ ಗ್ರಾಮಸಭೆಯಲ್ಲಿ ಪಾಲ್ಗೊಂಡಿದ್ದ ವರಲಕ್ಷ್ಮಿ ಅವರು, ಸಂಜೆ ಸಭೆ ಮುಕ್ತಾಯದ ಬಳಿಕ ತಮಗೆ ಸಭಾ ನಡವಳಿಯ ನಕಲು ಪ್ರತಿ ನೀಡುವಂತೆ ಪಿಡಿಒ ಮಂಜುಳಾ ಅವರನ್ನು ಕೇಳಿದ್ದಾರೆ ಎಂದು ತಿಳಿದುಬಂದಿದೆ. ಪಿಡಿಒ ಅವರು ಇನ್ನೊಂದು ದಿನ ನೀಡುವುದಾಗಿ ಹೇಳಿ ಕಚೇರಿಯಿಂದ ಹೊರಟು ಹೋಗಿದ್ದಾರೆ. ಬೇಕೆಂತಲೇ ತಮಗೆ ಪ್ರತಿ ನೀಡಿಲ್ಲ ಎಂದು ಅಸಮಾಧಾನಗೊಂಡ ವರಲಕ್ಷ್ಮಿ ಎಲ್ಲರೂ ಕಚೇರಿಯಿಂದ ಹೊರಹೋದ ನಂತರ ಒಳಗೇ ಕುಳಿತು ಬಾಗಿಲು ಹಾಕಿಕೊಂಡು ಪ್ರತಿಭಟನೆ ಆರಂಭಿಸಿದ್ದಾರೆ.

 

ಇದರಿಂದ ವಿಚಲಿತರಾದ ಗ್ರಾ.ಪಂ. ಸಿಬ್ಬಂದಿ ಹಾಗೂ ಅಧಿಕಾರಿಗಳು ವರಲಕ್ಷ್ಮಿ ಅವರ ಮನವೊಲಿಸಲು ಯತ್ನಿಸಿದರಾದರೂ ಇದು ಸಫಲವಾಗಿಲ್ಲ. ವಿಷಯ ತಿಳಿದು ಸ್ಥಳಕ್ಕೆ ಬಂದ ತಾಲ್ಲೂಕು ಪಂಚಾಯಿತಿ ಇಒ ಲೋಕೇಶ್ ಹಾಗೂ ಎಂ.ಕೆ.ದೊಡ್ಡಿ ಪೊಲೀಸರು ತಡರಾತ್ರಿವರೆಗೂ ಮನವೊಲಿಸಲು ಯತ್ನಿಸಿದರಾದರೂ ಸಾಧ್ಯವಾಗಲಿಲ್ಲ.

 

ಭಾನುವಾರ ಬೆಳಿಗ್ಗೆ ಗ್ರಾಮದ ಮುಖಂಡರು ಹಾಗೂ ಮಹಿಳಾ ಸಂಘಟನೆಗಳ ಪದಾಧಿಕಾರಿಗಳು, ಸಮಸ್ಯೆ ಆಲಿಸಿ ನ್ಯಾಯ ಕೊಡಿಸುವ ಭರವಸೆ ನೀಡಿದರು. ನಂತರ ವರಲಕ್ಷ್ಮಿ ಪ್ರತಿಭಟನೆ ಕೈಬಿಟ್ಟರು. ಲೋಕೇಶ್ ಅವರು ಪಿಡಿಒ ಅವರನ್ನು ವರ್ಗಾವಣೆ ಮಾಡುವ ಜೊತೆಗೆ ಅಗತ್ಯ ಮಾಹಿತಿ ಒದಗಿಸುವ ಭರವಸೆ ನೀಡಿದ ಮೇಲೆ ವರಲಕ್ಷ್ಮಿ ಬಾಗಿಲು ತೆರೆದು ಪ್ರತಿಭಟನೆ ಅಂತ್ಯಗೊಳಿಸಿದರು.ಸರ್ಕಲ್‌ ಇನ್‌ಸ್ಪೆಕ್ಟರ್‌ ನಾರಾಯಣಸ್ವಾಮಿ, ಪಿಎಸೈ ಸದಾನಂದ ಹಾಗೂ ಸಿಬ್ಬಂದಿ ಸ್ಥಳದಲ್ಲಿದ್ದು ಪರಿಸ್ಥಿತಿ ನಿಭಾಯಿಸಿದರು.

 

***

ಕುಸಿದು ಬಿದ್ದ ಉಪಾಧ್ಯಕ್ಷೆ