ಜಿಲ್ಲೆಯಲ್ಲಿ ಸರಣಿ ಪ್ರತಿಭಟನೆ; ಮೆರವಣಿಗೆ

 

ತಮ್ಮ ವಿರುದ್ಧ ಸುಳ್ಳು ಪ್ರಕರಣ ದಾಖಲಿಸಲಾಗಿದೆ ಎಂದು ಅಭಿಷೇಕ ಅವರು ಪತ್ರ ಬರೆದಿಟ್ಟು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಅವರ ಆರೋಪದ ಕುರಿತು ನಿಸ್ಪಕ್ಷಪಾತ ತನಿಖೆ ನಡೆಯಬೇಕು. ಪ್ರಕರಣ ದಾಖಲಾಗಲು ಕಾರಣರಾದ ಎಲ್ಲರ ವಿರುದ್ಧ ಕ್ರಮ ಕೈಗೊಳ್ಳಬೇಕು ಎಂದು ಸಂಘಟನೆಯ ವಿಭಾಗೀಯ ಸಂಘಟನಾ ಕಾರ್ಯದರ್ಶಿ ಚನ್ನಬಸಪ್ಪ ಮಾಳಿ ಆಗ್ರಹಿಸಿದರು.

 

ಜಿಲ್ಲಾ ಸಂಚಾಲಕ ಗೋವಿಂದರೆಡ್ಡಿ, ನಗರ ಘಟಕದ ಕಾರ್ಯದರ್ಶಿ ಜೆ.ಎಸ್.ಕಾರ್ತಿಕ್, ಮುಖಂಡರಾದ ಹೇಮರೆಡ್ಡಿ, ಗಿರಿರಾಜ್ ನೇತೃತ್ವ ವಹಿಸಿದ್ದರು.

 

ಕೂಲಿಗಾಗಿ ಪ್ರತಿಭಟನೆ

ಕಂಪ್ಲಿ: ಮಹಾತ್ಮಾ ಗಾಂಧಿ ರಾಷ್ಟ್ರೀಯ ಉದ್ಯೋಗ ಖಾತ್ರಿ ಯೋಜನೆಯಡಿ ಕೂಲಿ ಕೆಲಸ ನೀಡುವಂತೆ ಆಗ್ರಹಿಸಿ  ಸಮೀಪದ ದೇವಸಮುದ್ರ ಗ್ರಾಮದ ನರೇಗಾ ಕೂಲಿಕಾರರು ಗುರುವಾರ ಗ್ರಾಮ ಪಂಚಾಯಿತಿ ಕಚೇರಿ ಮುಂದೆ ಪ್ರತಿಭಟನೆ ನಡೆಸಿದರು.

 

’ಕಾಲುವೆಗೆ ನೀರಿಲ್ಲದಂಗ ಆಗಿ ಈ ಬಾರಿ ಬ್ಯಾಸಿಗೆ ಬೆಳೆ ಇಲ್ಲ. ಇದ್ರಿಂದ ಊಟಕ್ಕೂ ತ್ರಾಸು, ಮಕ್ಕಳ ಮರಿನೂ ಜೋಪಾನ ಮಾಡೋಕ ಕಷ್ಟ ಆಗೈತಿ’ ಎಂದು ಕುರುಬರ ಅಳ್ಳಳ್ಳಿ ಗಾದಿಲಿಂಗಮ್ಮ ಅಳಲು ತೋಡಿಕೊಂಡರು.

 

  ನಮ್ಮ ಪರಿಸ್ಥಿತಿ ಕೇಳಿ ಪಂಚಾಯ್ತರಾದರೂ ಕೂಲಿ ಕೆಲ್ಸ ಕೊಡ್ತರೆ ಅಂದ್ರೆ ಅವರು ನಮ್ಮ ಮಾತು ಕಿವ್ಯಾಗ ಹಕ್ಯಾವಳ್ರು ಎಂದು ನೋವಿನಿಂದ ಹೇಳಿದರು.

 

ಭ್ರಷ್ಟಾಚಾರ ಮುಕ್ತ ಕರ್ನಾಟಕ ಗ್ರಾಮ ಘಟಕ ಪ್ರಧಾನ ಕಾರ್ಯದರ್ಶಿ ಸೂಗೂರು ಶೇಖರ್ ಮಾತನಾಡಿ, 2016–17ನೇ ಸಾಲಿನ ನರೇಗಾ ಯೋಜನೆಯಡಿ ₹  22.70ಲಕ್ಷ ವೆಚ್ಚದ 20 ಕಾಮಗಾರಿಗಳಿಗೆ ಆಡಳಿತ ಮಂಡಳಿ ಅನುಮೋದನೆ ನೀಡಿದೆ. ಇದರಲ್ಲಿ ₹ 4 ಲಕ್ಷ ವೆಚ್ಚದ ಕಾಲುವೆ ಹೂಳು ತೆಗೆಯುವ ಎರಡು ಕಾಮಗಾರಿಯನ್ನು ಮಾತ್ರ 150 ಕಾರ್ಮಿಕರಿಗೆ ನೀಡಿದ್ದು ಬಿಟ್ಟರೆ ಇಲ್ಲಿಯವರೆಗೆ ಬೇರೆ ಕಾಮಗಾರಿಗಳ ಕೂಲಿ ಕೆಲಸ ನೀಡುತ್ತಿಲ್ಲ ಎಂದು ಆರೋಪಿಸಿದರು.

 

ಜ.9ರಂದು ಕೂಲಿ ಕೆಲಸ ಕೊಡುವುದಾಗಿ ಪಿಡಿಓ ದೇವೇಶ್ ಭರವಸೆ ನೀಡಿದ್ದರು. ಆದರೆ ಇಲ್ಲಿಯವರೆಗೆ ಕೂಲಿ ಕೆಲಸ ಕೊಡದೆ ವೃಥಾ ನಮ್ಮನ್ನು ಅಲೆಸುತ್ತಿದ್ದಾರೆ ಎಂದು ದೂರಿದರು. ಪ್ರತಿಭಟನೆಯಲ್ಲಿ ರೇಣುಕಮ್ಮ, ಸೂಗೂರು ಈರಮ್ಮ, ಗಂಗಾವತಿ ನಾಗಮ್ಮ, ಎಸ್. ತಾಯಮ್ಮ, ಸೂಗೂರು ಹುಲಿಗೆಮ್ಮ, ಕರೇಗೌಡ್ರು ಈರಮ್ಮ, ಗುರುಬಸಮ್ಮ, ಗಂಗಾವತಿ ನಾಗಮ್ಮ, ಮಲ್ಲಿಕಾರ್ಜುನ, ಗಂಗಾವತಿ ರಾಜ, ಜಮಾಪುರ ಬಸವರಾಜ, ಗಾದಿಲಿಂಗ, ಬಸವರಾಜ, ಜಡೆಪ್ಪ, ಸಾದಪ್ಪ ಸೇರಿದಂತೆ  ಇತರರು ಭಾಗವಹಿಸಿದ್ದರು.  ತಾಲ್ಲೂಕು ಪಂಚಾಯಿತಿ ಕಾರ್ಯನಿರ್ವಾಹಕ ಅಧಿಕಾರಿ ಕೆ.ವಿ. ಭಾಸ್ಕರ ದೂರವಾಣಿಯಲ್ಲಿ ಪ್ರತಿಕ್ರಿಯಿಸಿ, ಇದೇ 13ರಿಂದ ನರೇಗಾ ಅಡಿ ಕೂಲಿ ಕೆಲಸ ಕೊಡಲಾಗುವುದು. ಬಾಕಿ ಇರುವ ಕೂಲಿ ಪಾವತಿಸುವಂತೆ ಪಿಡಿಓ ದೇವೇಶ್‌ ಅವರಿಗೆ ಆದೇಶಿಸಲಾಗುವುದು ಎಂದು ಭರವಸೆ ನೀಡಿದರು.

 

**

371ಜೆ  ಸಮರ್ಪಕ ಜಾರಿಗೆ ಒತ್ತಾಯ