ಗೌರಿಶಂಕರ ಶ್ರೀಗೆ ಭಕ್ತರ ಕೊನೆಯ ವಿದಾಯ

 

ಮುಂಜಾನೆ 5ರಿಂದಲೇ ಪೂಜಾದಿ ಕಾರ್ಯಕ್ರಮ ಆರಂಭಿಸಲಾಯಿತು. ಸಮಾಧಿ ಗುಂಡಿಯೊಳಗೆ ನಿರ್ಮಿಸಿದ ನಾಲ್ಕು ಗೋಡೆಗಳ ಮಧ್ಯೆ ಪಾರ್ಥಿವ ಶರೀರವನ್ನು ಕೂರಿಸಿ ಸಂಜೆ 4.30ರವರೆಗೆ ಭಕ್ತರ ದರ್ಶನಕ್ಕೆ ಅನುವು ಮಾಡಿಕೊಡಲಾಯಿತು. ಸಂಜೆ 5ಕ್ಕೆ ಅಂತ್ಯಕ್ರಿಯೆ ನೆರವೇರಿತು. ಓಂ ನಮಃ ಶಿವಾಯ, ಹರಹರ ಶಂಕರ, ಗೌರಿಶಂಕರ ಎಂಬ ಜೈಕಾರ ಮೊಳಗಿಸಿದ ಭಕ್ತ ವೃಂದ, ಗುರುಗಳಿಗೆ ವಿದಾಯದ ನಮನ ಸಲ್ಲಿಸಿತು.

 

ಇದಕ್ಕೂ ಮುನ್ನ ಪಾರ್ಥೀವ ಶರೀರವನ್ನು ಸಿದ್ದಲಿಂಗೇಶ್ವರ ಸ್ವಾಮಿ ದೇವಾಲಯದ ಸುತ್ತ ಪ್ರದಕ್ಷಣೆ ಮಾಡಿಸಲಾಯಿತು. ಬಂಡೆಮಠದ ಶ್ರೀಗಳು ಶರೀರಕ್ಕೆ ರುದ್ರಾಭಿಷೇಕ ನೆರವೇರಿಸಿದರು. ಬಿಲ್ವಪತ್ರೆ, ವಿಭೂತಿ, ಪಳನಿ ಭಸ್ಮದ ಪುಡಿಯೊಂದಿಗೆ ಶ್ರೀಗಳನ್ನು ಕ್ರಿಯಾಸಮಾಧಿ ಮಾಡಲಾಯಿತು.

 

ಬೆಟ್ಟದಹಳ್ಳಿ ಮಲ್ಲಿಕಾರ್ಜುನ ಸ್ವಾಮಿ ಭಜನಾ ತಂಡ, ತ್ಯಾಗಟೂರು ಅರಕೇಶ್ವರಸ್ವಾಮಿ ಭಜನಾ ತಂಡಗಳು ಇಡೀ ದಿನ ಅಖಂಡ ಭಜನೆ ಮಾಡಿದರು. ಚಿಕ್ಕ ತೊಟ್ಲುಕೆರೆ ಅಟವಿ ಮಠದ ಅಟವಿ ಶಿವಲಿಂಗ ಸ್ವಾಮೀಜಿ ಮಾರ್ಗದರ್ಶನದಲ್ಲಿ ದೊಡ್ಡಬಳ್ಳಾಪುರದ ಖಾನಿಮಠದ ಶ್ರೀಗಳು, ಕೆರೆಗೋಡಿ ರಂಗಾಪುರ ಮಠದ ಗುರು ಪರದೇಶಿ ದೇಶಿಕೇಂದ್ರ ಸ್ವಾಮೀಜಿ ಅವರು ಅಂತ್ಯ ಸಂಸ್ಕಾರಕ್ಕೆ ಅಣಿ ಮಾಡಿದರು.

 

ಬೆಳ್ಳಾವಿಯ ಕಾರದ ವೀರಬಸವ ಸ್ವಾಮೀಜಿ, ತೆವಡೆಹಳ್ಳಿಯ ಗೋಸಲ ಶ್ರೀಗಳು, ಬೆಟ್ಟದಹಳ್ಳಿ ಗವಿಮಠದ ಚಂದ್ರಶೇಖರ ಸ್ವಾಮೀಜಿ, ಗೋಡೆಕೆರೆಯ ಸಿದ್ದರಾಮ ದೇಶೀಕೇಂದ್ರ ಸ್ವಾಮೀಜಿ, ಮೃತ್ಯುಂಜಯ ಸ್ವಾಮೀಜಿ, ಬಿ.ಕೋಡಿಹಳ್ಳಿಯ ಬಸವ ಭೃಂಗೇಶ್ವರ ಸ್ವಾಮೀಜಿ, ರಾಮೇನಹಳ್ಳಿ ಶಿವಪಂಚಾಕ್ಷರಿ ಸ್ವಾಮೀಜಿ, ತೊರೆ ಮಠದ ರಾಜಶೇಖರ ಸ್ವಾಮೀಜಿ, ಸಿದ್ಧರಬೆಟ್ಟದ ವೀರಭದ್ರ ಶಿವಾಚಾರ್ಯ ಸ್ವಾಮೀಜಿ, ದೊಡ್ಡಗುಣಿ ರೇವಣ್ಣಸಿದ್ದೇಶ್ವರ ಸ್ವಾಮೀಜಿ, ಶಿಡ್ಲೇಕೋಣದ ಸಂಜಯ ಕುಮಾರ ಸ್ವಾಮೀಜಿ ಕ್ರಿಯಾವಿಧಿಗಳಲ್ಲಿ ಪಾಲ್ಗೊಂಡಿದ್ದರು. ಶಾಸಕ ಎಸ್.ಆರ್.ಶ್ರೀನಿವಾಸ್, ಮಾಜಿ ಸಚಿವ ಎಸ್‌.ಶಿವಣ್ಣ, ಬಿಜೆಪಿ ಮುಖಂಡ ಎಂ.ಬಿ.ನಂದೀಶ್, ಜಿಲ್ಲಾ ಪಂಚಾಯಿತಿ ಸದಸ್ಯರಾದ ಎಚ್.ಟಿ.ಕೃಷ್ಣಪ್ಪ, ಡಾ.ನವ್ಯಬಾಬು, ತುಮಕೂರು ಹಾಗೂ ಗುಬ್ಬಿ ವೀರಶೈವ ಸಮಾಜದ ಮುಖಂಡರು ಅಂತ್ಯಕ್ರಿಯೆಯಲ್ಲಿ ಪಾಲ್ಗೊಂಡಿದ್ದರು. 

 

**

ಮಾಧ್ಯಮದವರ ವಿರುದ್ದ ಭಕ್ತರ ಸಿಟ್ಟು

 

**

ಉತ್ತರಾಧಿಕಾರಿ ಆಯ್ಕೆ ಕುರಿತ ಚರ್ಚೆ?

 

**