ನಾಳೆಯಿಂದ ಹರಿದಾಸ ಹಬ್ಬ

 

‌ಹರಿವಾಯು ಗುರು ಸೇವಾ ಸಂಘದಿಂದ  ವಿಶೇಷ ಧಾರ್ಮಿಕ ಕಾರ್ಯಕ್ರಮ ಆಯೋಜಿಸಲಾಗಿದೆ  ‘ದಾಸ ಸುಜ್ಞಾನ ದೀಪ’ದ ಉದ್ಘಾಟನಾ ಸಮಾರಂಭವನ್ನು  ತಂಬಿಹಳ್ಳಿ ಮಾಧವತೀರ್ಥ ಮಠದ    ವಿದ್ಯಾಸಾಗರ ಮಾಧವ ತೀರ್ಥ ಸ್ವಾಮೀಜಿ ಹಾಗೂ ವಿದ್ಯಾಸಿಂಧು ಮಾಧವ ತೀರ್ಥ ಸ್ವಾಮೀಜಿ ಉದ್ಘಾಟಿಸುವರು. 

 

ವ್ಯಾಸ ಪೀಠ ಪ್ರತಿಷ್ಠಾನದ  ಕಂಬಾಲೂರು ಸಮೀರಾಚಾರ್ಯರು, ಚತುರ್ವೇದಿ ವೇದ ವ್ಯಾಸಾಚಾರ್ಯರು, ಉತ್ತರಾದಿ ಮಠದ ವ್ಯವಸ್ಥಾಪಕ ಎಚ್.ಜೆ.ಮೋಹನಾಚಾರ್  ಅತಿಥಿ ಗಳಾಗಿ ಭಾಗವಹಿಸುವರು. 

 

ಅಂದು ರಾಘವೇಂದ್ರ ಸ್ವಾಮಿ ಮಠದಲ್ಲಿ ವಿದ್ಯಾಸಿಂಧು ಸ್ವಾಮೀಜಿ ಅವರ ನೇತೃತ್ವದಲ್ಲಿ ಹರಿವಾಯುಸ್ತುತಿ ಪುನಃಶ್ಚರಣ ಹೋಮ ನಡೆಯಲಿದೆ. ಬೆಳಿಗ್ಗೆ 5ಕ್ಕೆ ಪುಣ್ಯಾಹ, ಹೋಮ. ಬೆಳಿಗ್ಗೆ 8.45 ಕ್ಕೆ ಪೂರ್ಣಾಹುತಿ ನಡೆಯಲಿದೆ. ನಂತರ ಬೆಳಿಗ್ಗೆ 10ಕ್ಕೆ ‘ವ್ಯಾಸ ವಿಜ್ಞಾನ ದೀಪ’ ಉದ್ಘಾಟನೆಯಾಗಲಿದೆ. 

 

ಸಂಜೆ 5ಕ್ಕೆ ದಾಸವರೇಣ್ಯರ ಭಾವಚಿತ್ರಗಳೊಂದಿಗೆ ಸ್ವಾಮೀಜಿ ಅವರ ಶೋಭಾಯಾತ್ರೆ ನಗರದ ಆನೆಬಾಗಿಲು ಬಳಿ ಇರುವ ಸುವೃಷ್ಠಿ ಪ್ರಾಣದೇವರ ದೇಗುಲದಿಂದ ಹೊರಟು ವಾಸವಿ ವಿದ್ಯಾಸಂಸ್ಥೆ ತಲುಪಲಿದೆ. 

 

ಪ್ರತಿದಿನ ಸಂಜೆ 6ರಿಂದ 6.30 ರವರೆಗೆ ಸಾಮೂಹಿಕ ವಿಷ್ಣುನಾಮ ಸ್ತೋತ್ರ ಪಾರಾಯಣ ಗೋದೂಳಿಯಲ್ಲಿ ಗೋವಿಂದ ಗೀತಾಮೃತ ಕಾರ್ಯಕ್ರಮ ನಡೆಯಲಿದೆ.

ಬ್ರಹ್ಮ ಚೈತನ್ಯ ಭಜನಾ ಮಂಡಳಿ ಯಿಂದ ಪುರಂದರ ದಾಸರ ಕೃತಿಗಳು, ಸಪ್ತಗಿರಿ ಭಜನಾ ಮಂಡಳಿಯಿಂದ ಕನಕದಾಸರ ಕೃತಿಗಳು, ವಾರಿ ಭಜನಾ ಮಂಡಳಿಯಿಂದ ವಿಜಯದಾಸರ ಕೃತಿಗಳು, ಪಾಂಡುರಂಗ ಭಜನಾ ಮಂಡಳಿಯಿಂದ ಗೋಪಾಲದಾಸರ ಕೃತಿಗಳು, ಸರಸ್ವತಿ ಭಜನಾ ಮಂಡಳಿಯಿಂದ ಜಗನ್ನಾಥದಾಸರ ಕೃತಿಗಳು ಪ್ರಸ್ತುತಗೊಳ್ಳಲಿವೆ.  ಕನಕದಾಸರ ಮೇರುಕೃತಿ ಹರಿಭಕ್ತ ಸಾರದ ಕುರಿತು ರಾಘವೇಂದ್ರ ಸ್ವಾಮಿ ಮಠದಲ್ಲಿ ಪ್ರವಚನ ಇರಲಿದೆ. ಸಂಜೆ 7ರಿಂದ 8.45ರವರೆಗೆ ಶ್ರೀಮದ್ ಭಾಗವತ ಸಂದೇಶ ಕುರಿತು ವಾಸವಿ ವಿದ್ಯಾಸಂಸ್ಥೆ ಆವರಣದಲ್ಲಿ ಪ್ರವಚನ ಸಪ್ತಾಹ ನಡೆಯಲಿದೆ.

 

**

ಪ್ರವಚನ