ಮೈಕ್ರೋಸಾಫ್ಟ್ ಆಫೀಸ್‌ನ ಭಾಗವಾಗಿ ದೊರೆಯುವ ಎಕ್ಸೆಲ್ ಎಂಬ ತಂತ್ರಾಂಶದ ಸಾಧ್ಯತೆಗಳು ಬಹಳಷ್ಟು. ಆದರೆ ಹೆಚ್ಚಿನ ಬಳಕೆದಾರರು ಇದನ್ನು ಕೇವಲ ಕೋಷ್ಠಕಗಳನ್ನು ಸೃಷ್ಟಿಸುವುದಕ್ಕಷ್ಟೇ ಬಳಸುತ್ತಾರೆ. ಹೆಚ್ಚೆಂದರೆ ಕೆಲವು ಬಗೆಯ ಚಾರ್ಟ್‌ಗಳನ್ನು ಇದರ ಮೂಲಕ ಸೃಷ್ಟಿಸುವುದನ್ನು ತಿಳಿದಿರುತ್ತಾರೆ.
ಆದರೆ ಈ ತಂತ್ರಾಂಶದ ವೃತ್ತಿಪರ ಬಳಕೆ ಬಹಳ ವಿಶಾಲವಾದುದು. ಇದನ್ನು ತಿಳಿಸುವುದಕ್ಕಾಗಿಯೇ ಮೈಕ್ರೋಸಾಫ್ಟ್ ಅಕಾಡೆಮಿ ಹಲವು ಕೋರ್ಸ್‌ಗಳನ್ನು ರೂಪಿಸಿದೆ. ದೊಡ್ಡ ಪ್ರಮಾಣದ ದತ್ತಾಂಶವನ್ನು ಈ ತಂತ್ರಾಂಶ ಬಳಸಿ ವಿಶ್ಲೇಷಿಸಬಹುದು. ಉದಾಹರಣೆಗೆ ಕಂಪೆನಿಯೊಂದರ ನೌಕರರ ಹಾಜರಾತಿಯಂಥ ವಿಚಾರಗಳು. ಹಾಗೆಯೇ ಜನಸಂಖ್ಯೆಯ ಏರಿಳಿತಗಳನ್ನು ಹೇಳುವ ಹತ್ತಾರು ವರ್ಷಗಳ ದಾಖಲೆಯಂಥವನ್ನು ಈ ತಂತ್ರಾಂಶ ಬಳಸಿ ವಿಶ್ಲೇಷಿಸಲು ಸಾಧ್ಯವಿದೆ. ಆದರೆ ಇದನ್ನು ಕಲಿಯಬೇಕಾಗುತ್ತದೆ.
ಇದಕ್ಕಾಗಿಯೇ ಮೈಕ್ರೋಸಾಫ್ಟ್ ಒಂದು ಕೋರ್ಸ್ ರೂಪಿಸಿದೆ. ದತ್ತಾಂಶ ವಿಜ್ಞಾನ ಪ್ರಮಾಣ ಪತ್ರ ಯೋಜನೆಯ ಭಾಗವಾಗಿ ರೂಪುಗೊಂಡಿರುವ ಈ ಕೋರ್ಸ್ ಸಂಪೂರ್ಣ ಉಚಿತ. ಆರು ವಾರಗಳಷ್ಟು ಅಧ್ಯಯನಾವಧಿಯನ್ನು ಬೇಡುವ ಈ ಕೋರ್ಸ್ ಅನ್ನು ನಿಮ್ಮದೇ ವೇಗದಲ್ಲಿ ಪೂರ್ಣಗೊಳಿಸಬಹುದು. ನೋಂದಾಯಿಸಿಕೊಳ್ಳುವುದಕ್ಕೆ ಇಲ್ಲಿರುವ ಲಿಂಕ್ ಬಳಸಿ: http://bit.ly/2jr996h
