ಕಥಕ್‌–ಕ್ಯಾಂಡಿಯನ್‌ ಜುಗಲ್‌ಬಂದಿ ‘ಕಥಾಕಾರ’

ನೃತ್ಯದ ಸೊಬಗೇ ಅಂಥದ್ದು. ಅದಕ್ಕೆ ದೇಶ–ಭಾಷೆಯ ಹಂಗಿಲ್ಲ. ಕಾಲದ ಮಿತಿಯೂ ಇಲ್ಲ. ಎಲ್ಲಾಕಡೆ, ಯಾವುದೇ ಕಾಲದಲ್ಲಿ ಸಲ್ಲುವ ಮತ್ತು ಗೆಲ್ಲುವ ಶಕ್ತಿ ನೃತ್ಯ ಪ್ರಕಾರಕ್ಕಿದೆ. ದೂರದ ಶ್ರೀಲಂಕಾದ ವಿಶಿಷ್ಟ ನೃತ್ಯ ಪ್ರಕಾರವಾದ ‘ಕ್ಯಾಂಡಿಯನ್‌’   ಜೊತೆಗೆ ನಮ್ಮ ಕಥಕ್‌ ನೃತ್ಯವನ್ನೂ ಸೇರಿಸಿದರೆ ಅದರ ಮೋಡಿ ಹೇಗಿರಬಹುದು ಎನ್ನುವುದನ್ನು ಬೆಂಗಳೂರಿನ ಕಲಾಪ್ರಿಯರಿಗೆ ತೋರಿಸಲು ಮುಂದಾಗಿದೆ ‘ಕಥಾಕಾರ’ ಸಂಸ್ಥೆ. ಎಡಿಎ ರಂಗಮಂದಿರದಲ್ಲಿ ಜ. 22ರ ಭಾನುವಾರ ಸಂಜೆ 6.30ಕ್ಕೆ ಕಾರ್ಯಕ್ರಮ ಶುರುವಾಗಲಿದೆ.