ಹಿರಿಯೂರು: ‘ಕೇಂದ್ರ ಸರ್ಕಾರ ಅಕ್ಷರ ದಾಸೋಹ ಯೋಜನೆಯ ಅನುದಾನ ವನ್ನು ಕಡಿತಗೊಳಿಸಿರುವುದು ಖಂಡ ನೀಯ. ಅನುದಾನವನ್ನು ಎಂದಿನಂತೆ ನೀಡಬೇಕು’ ಎಂದು ಶುಕ್ರವಾರ ಸಿಐಟಿಯು ನೇತೃತ್ವದಲ್ಲಿ ಅಕ್ಷರ ದಾಸೋಹ ಯೋಜನೆಯ ನೌಕರರು ಬೃಹತ್ ಪ್ರತಿಭಟನಾ ಮೆರವಣಿಗೆ ನಡೆಸಿದರು.
ಬಡ ಮಕ್ಕಳ ಶಿಕ್ಷಣ ಮುಂದು ವರಿಕೆಗೆ ಪೂರಕವಾಗಿರುವ ಈ ಯೋಜನೆಯನ್ನು ಇನ್ನಷ್ಟು ಬಲ ಗೊಳಿಸಬೇಕು. ಯೋಜನೆಯ ಸಿಬ್ಬಂದಿಗೆ ಕನಿಷ್ಟ ಕೂಲಿ ನಿಗದಿ ಮಾಡುವವರೆಗೆ ನಿತ್ಯ ₹ 500 ವೇತನ ನೀಡಬೇಕು. ಸಿಬ್ಬಂದಿಯನ್ನು ನಾಲ್ಕನೇ ದರ್ಜೆ ನೌಕರರೆಂದು ಪರಿಗಣಿಸಬೇಕು ಎಂದು ಪ್ರತಿಭಟನಕಾರರು ಆಗ್ರಹಿಸಿದರು.
ಅಡುಗೆ ಮಾಡುವಾಗ ಅಪಘಾತ ಸಂಭವಿಸಿದಲ್ಲಿ ನೀಡುವ ಪರಿಹಾರ ಮೊತ್ತವನ್ನು ₹ 1 ಲಕ್ಷದಿಂದ ₹ 5 ಲಕ್ಷಕ್ಕೆ ಹೆಚ್ಚಿಸಬೇಕು. ಬಿಸಿಯೂಟ ಯೋಜನೆಯನ್ನು ಖಾಸಗಿಯವರಿಗೆ ವಹಿಸುವ ಪ್ರಸ್ತಾವ ಕೈಬಿಡಬೇಕು ಎಂದು ಪ್ರತಿಭಟನಕಾರರು ಒತ್ತಾಯಿಸಿದರು.
ಸಿಐಟಿಯು ತಾಲ್ಲೂಕು ಅಧ್ಯಕ್ಷೆ ಎನ್. ನಿಂಗಮ್ಮ, ಎಂ. ಬಾಲಮ್ಮ, ಟಿ. ರಾಜಮ್ಮ, ತಿಮ್ಮಕ್ಕ,ಶಿವರುದ್ರಮ್ಮ ಪ್ರತಿಭಟನೆಯ ನೇತೃತ್ವ ವಹಿಸಿದ್ದರು. ತಾಲ್ಲೂಕು ಪಂಚಾಯ್ತಿ ಕಾರ್ಯನಿರ್ವಾಹಕ ಅಧಿ ಕಾರಿ ಮೂಲಕ ಪ್ರಧಾನಿಗೆ ಬೇಡಿಕೆಗಳ ಮನವಿ ಪತ್ರ ಕಳಿಸಲಾಯಿತು.