ನವದೆಹಲಿ: ನಿಯಂತ್ರಣ ರೇಖೆ ದಾಟಿ ಪಾಕಿಸ್ತಾನ ಪ್ರವೇಶಿ ಬಂಧನಕ್ಕೆ ಒಳಗಾಗಿದ್ದ ಭಾರತೀಯ ಯೋಧ ಚಂದು ಬಾಬುಲಾಲ್ ಚೌಹಾಣ್ ಅವರನ್ನು ಪಾಕಿಸ್ತಾನ ಶನಿವಾರ ಬಿಡುಗಡೆ ಮಾಡಿದೆ.
ಕಳೆದ ವರ್ಷ ಸೆಪ್ಟೆಂಬರ್ 29ರಂದು ಶಸ್ತ್ರಸಜ್ಜಿತ ಸೈನಿಕ ಬಾಬುಲಾಲ್ ಚೌಹಾಣ್ ಕಣ್ಣು ತಪ್ಪಿನಿಂದ ಪಾಕಿಸ್ತಾನ ಪ್ರವೇಶಿಸಿದ್ದರು.
37 ರಾಷ್ಟ್ರೀಯ ರೈಫಲ್ ಪಡೆಯಲ್ಲಿ ನಿಯೋಜಿತನಾಗಿದ್ದ ಚೌಹಾಣ್, ಭಾರತ ಸೇನೆ ಉಗ್ರರ ಬಿಡಾರಗಳ ಮೇಲೆ ‘ನಿರ್ದಿಷ್ಟ ದಾಳಿ’ ನಡೆಸಿದ ಕೆಲವು ಗಂಟೆಗಳ ನಂತರದಲ್ಲಿ ಜಮ್ಮು–ಕಾಶ್ಮೀರದ ಮೆಂಧಾರ್ ವಲಯದಿಂದ ಪ್ರಮಾದವಶಾತ್ ಪಾಕಿಸ್ತಾನದ ಗಡಿ ಪ್ರವೇಶಿದ್ದರು.
ವಾಘಾ ಗಡಿ ಚೆಕ್ಪೋಸ್ಟ್ ಮೂಲಕ ಸೈನಿಕ ಚೌಹಾಣ್ ಅವರನ್ನು ಭಾರತೀಯ ಅಧಿಕಾರಿಗಳಿಗೆ ಹಸ್ತಾಂತರಿಸಲಾಗಿದೆ.