ರಾಜಪಥದಲ್ಲಿ ಕರ್ನಾಟಕ ಜಾನಪದ ಕಲೆಗಳ ಅನಾವರಣ

ಗೊರವರ ಡೊಳ್ಳು ಕುಣಿತ, ವೀರಗಾಸೆ, ಕಂಸಾಳೆ ನೃತ್ಯ, ಪೂಜಾ ಕುಣಿತ ಮತ್ತು ಸೋಮನ ಕುಣಿತ ಸೇರಿದಂತೆ 10 ಜಾನಪದ ಕಲೆಗಳನ್ನು ಮೆರವಣಿಗೆಯಲ್ಲಿ ಪ್ರದರ್ಶಿಸಲಾಗುತ್ತಿದೆ. ಗೊರವರ ಕುಣಿತ ಸ್ತಬ್ಧಚಿತ್ರವನ್ನು ಮುನ್ನಡೆಸಲಿದೆ. ಸೋಮನ ಕುಣಿತ  ಕೊನೆಯಲ್ಲಿದ್ದು ಪ್ರದರ್ಶನ ನೀಡಲಿದೆ ಎಂದು ವಾರ್ತಾ ಇಲಾಖೆ ನಿರ್ದೇಶಕ ಎನ್‌.ಆರ್‌. ವಿಶುಕುಮಾರ್‌  ಭಾನುವಾರ ಹೇಳಿದ್ದಾರೆ.

ಖ್ಯಾತ ಕಲಾವಿದ ಶಶಿಧರ ಅಡಪ ಮತ್ತು ಅವರ ತಂಡ ಈ ಸ್ತಬ್ಧಚಿತ್ರದ ವಿನ್ಯಾಸ ಮಾಡಿದೆ. ಸಂಗೀತ ನಿರ್ದೇಶಕ ವಿ. ಮನೋಹರ ಹಿನ್ನೆಲೆ ಸಂಗೀತ ನೀಡಿದ್ದಾರೆ.