ಲಿಂಗಾಯಿತರು ಹೆಚ್ಚಾಗಿ ಕೈಲಾಸ, ಕೈಲಾಸ ನಿಲಯ ಎಂದೆಲ್ಲಾ ಇಡುತ್ತಾರೆ. ನಾನು ವಿಭಿನ್ನವಾಗಿ ಹೆಸರಿಡಬೇಕು ಎಂದುಕೊಂಡು ಭೂಕೈಲಾಸ ಎಂಬ ಹೆಸರಿಟ್ಟೆ. 1958ರಲ್ಲಿ ಬಿಡುಗಡೆಯಾದ ರಾಜಕುಮಾರ್ ಅವರ ಭೂಕೈಲಾಸ ಚಿತ್ರವೂ ನನ್ನ ನಿರ್ಧಾರಕ್ಕೆ ಪ್ರೇರಣೆಯಾಯಿತು ಎನ್ನಿ.
ಶಿವಭಕ್ತನಾಗಿ ರಾಜಕುಮಾರ್ ಅಭಿನಯಿಸಿದ್ದು ನನಗೆ ಖುಷಿ ಕೊಟ್ಟಿತು. ನಮ್ಮ ಮನೆಯ ಹೆಸರು ನನಗಂತೂ ಖುಷಿ ಕೊಟ್ಟಿದೆ. ನನ್ನ ಗೆಳೆಯರು ಮತ್ತು ಸಂಬಂಧಿಕರು ಸೋಮಣ್ಣನ ಮನೆಗೆ ಹೋಗಿದ್ದೆ ಎನ್ನುವುದಿಲ್ಲ. ‘ಭೂಕೈಲಾಸ’ಕ್ಕೆ ಹೋಗಿದ್ದೆ ಎನ್ನುತ್ತಾರೆ. ಕೇಳಲು ಖುಷಿ ಎನಿಸುತ್ತದೆ. ನಮ್ಮ ಮನೆ ಭೂಕೈಲಾಸದಂತೆಯೇ ಇರಲಿ ಎಂಬುದು ನನ್ನ ಆಸೆಯೂ ಹೌದು.
-ಕೆ.ಎಂ.ಸೋಮಣ್ಣ