ಯೋಗಗುರುಗೆ ₹ 2 ಕೋಟಿ ಫ್ಲ್ಯಾಟ್‌ ಗುರುದಕ್ಷಿಣೆ ನೀಡಿದ ಕಂಗನಾ
ಮುಂಬೈ: ಬಾಲಿವುಡ್‌ ಬೆಡಗಿ ಕಂಗನಾ ರನೌತ್ ₹ 2 ಕೋಟಿ ಮೌಲ್ಯದ ಫ್ಲ್ಯಾಟ್‌ ಅನ್ನು ತಮ್ಮ ಯೋಗಗುರುವಿಗೆ ಗುರುದಕ್ಷಿಣೆಯಾಗಿ ನೀಡಿದ್ದಾರೆ.
ಪಶ್ಚಿಮ ಅಂಧೇರಿಯಲ್ಲಿರುವ ಎರಡು ಬೆಡ್‌ರೂಮ್‌ನ ಫ್ಲ್ಯಾಟ್‌ ಅನ್ನು ಯೋಗಗುರು ಸೂರ್ಯನಾರಾಯಣ ಸಿಂಗ್‌ ಅವರಿಗೆ ಕಾಣಿಕೆಯಾಗಿ ನೀಡಿದ್ದಾರೆ.
ಈ ಮನೆಯಲ್ಲಿ ಎರಡು ಬೆಡ್‌ರೂಮ್‌ ಜತೆಗೆ ವಿಶಾಲವಾದ ಬಾಲ್ಕನಿ ಇದೆ. ಈ ಸ್ಥಳದಲ್ಲಿ ಸಿಂಗ್‌ ಅವರು ತಮ್ಮ ವಿದ್ಯಾರ್ಥಿಗಳಿಗೆ ಯೋಗ ಪಾಠ ಹೇಳಿಕೊಡಬಹುದು ಎಂದು ಕಂಗನಾ ಹೇಳಿದ್ದಾರೆ.
ಐಷಾರಾಮಿ ಫ್ಲ್ಯಾಟ್‌ ಅನ್ನು ಕಾಣಿಕೆಯಾಗಿ ನೀಡಿರುವ ನಟಿ, ಮನೆ ನೀಡುವ ಮೊದಲು ಅದರ ವಿನ್ಯಾಸ ಬದಲಿಸಿದ್ದಾರೆ. ಯೋಗಪಾಠಕ್ಕೆ ಅನುಕೂಲವಾಗುವಂತೆ ಫ್ಲ್ಯಾಟ್‌ನ ಒಳಾಂಗಣ ಸಿದ್ಧಪಡಿಸಿದ್ದಾರೆ.
ಕಂಗನಾ ಈ ಹಿಂದೆ ತಮ್ಮ ಸಹೋದರಿ ರಂಗೋಲಿ ಚಾಂದೇಲ್‌ ಅವರ ವಿವಾಹ ಸಂದರ್ಭದಲ್ಲಿ ಎರಡು ಬೆಡ್‌ರೂಮಿನ ಮನೆಯೊಂದನ್ನು ಅವರಿಗೆ ಕಾಣಿಕೆ ನೀಡಿದ್ದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.