ಏನನ್ನಾದರೂ ಸಾಧಿಸುವ ಮನಸ್ಸಿದರೆ, ಹಲವು ದಾರಿಗಳು ಕಾಣುತ್ತವೆ ಎಂಬುದಕ್ಕೆ ಚೆನ್ನೈನ ಜಗದೀಶ್ ಎಂ. ಉತ್ತಮ ಉದಾಹರಣೆ. ಆಟೊರಿಕ್ಷಾ ಚಾಲಕರಾಗಿರುವ ಇವರು, ವಿಭಿನ್ನ ದಾಖಲೆಯೊಂದನ್ನು ಮಾಡಿ ಜನಪ್ರಿಯರಾಗಿದ್ದಾರೆ.
ಆಟೊರಿಕ್ಷಾದಲ್ಲಿಯೇ ವೀಲಿಂಗ್ (ಮೂರು ಚಕ್ರದ ರಿಕ್ಷಾದಲ್ಲಿ ಒಂದು ಚಕ್ರವನ್ನು ಮೇಲೆತ್ತಿ ಚಲಾಯಿಸುವುದು) ಮಾಡುವ ಮೂಲಕ ಗಿನ್ನಿಸ್ ದಾಖಲೆಯ ಮನ್ನಣೆ ಗಳಿಸಿದ್ದಾರೆ.
ಬೈಕ್ನಲ್ಲಿ ವೀಲಿಂಗ್ ಮಾಡುವುದನ್ನು ಚಿಕ್ಕವರಿದ್ದಾಗಲೇ ಕರಗತ ಮಾಡಿಕೊಂಡಿದ್ದ ಇವರಿಗೆ ಆಟೊದಲ್ಲಿಯೂ ವೀಲಿಂಗ್ ಮಾಡುವ ಹಂಬಲ ಇತ್ತಂತೆ. ಆದರೆ ವೀಲಿಂಗ್ ಅಭ್ಯಾಸವೇ ಮಾಡುತ್ತಿದ್ದರೆ ಹೊಟ್ಟೆ ತುಂಬಬೇಕಲ್ವಾ, ಹಾಗಾಗಿ ಇವರು ರಾತ್ರಿ ವೇಳೆ ಅಭ್ಯಾಸ ಮಾಡುತ್ತಿದ್ದರು.