ಲೇವಾದೇವಿ ಸಂಘಗಳಾದ ‘ಸ್ತ್ರೀ ಶಕ್ತಿ’

ದೇವನೂರರ ಬೀಡಿಗೆ ಬೆಂಕಿ ಹಚ್ಚಿದ ಕಥೆ

ಮದ್ದೂರು: ‘ಪ್ರೊ.ಎಂ.ಡಿ.ನಂಜುಂಡಸ್ವಾಮಿ ಹಾಗೂ ನನ್ನ ಭೇಟಿಯ ಹಿಂದೆ ಬೀಡಿಗೆ ಬೆಂಕಿ ಹಚ್ಚಿದ ರೋಚಕ ಪ್ರಸಂಗವಿದೆ’ ಎಂದು ಸಾಹಿತಿ ದೇವನೂರ ಮಹಾದೇವ ಹೇಳಿದರು.

 

‘ಅದು ನಾನು ವಿದ್ಯಾರ್ಥಿಯಾಗಿದ್ದ ಕಾಲ. ನಂಜನಗೂಡಿನ ನ್ಯಾಯಾಲಯದ ಆವರಣದಲ್ಲಿ ಗಡ್ಡಧಾರಿ ವ್ಯಕ್ತಿಯೊಬ್ಬರು ಸಿಗರೇಟು ಸೇದುತ್ತ ನಿಂತಿದ್ದರು. ಅವರನ್ನು ಮೇಲಿಂದ ಕೆಳಕ್ಕೆ ನೋಡಿದ ನಾನು ನನ್ನ ಕಿಸೆಯೊಳಗಿದ್ದ ಬೀಡಿ ತುಟಿಗಿಟ್ಟು ಬೆಂಕಿ ಕಡ್ಡಿಗಾಗಿ ತಡಕಾಡಿದೆ. ಆದರೆ, ಕಡ್ಡಿ ದೊರಕಲಿಲ್ಲ. ಅವರ ಬಳಿ ಬೆಂಕಿ ಕಡ್ಡಿ ಕೇಳಿದೆ. ನನ್ನನ್ನು ನೋಡಿ, ಹುಬ್ಬುಗಟ್ಟಿದ ಹಣೆ ನಿರ್ಮಲವಾಯಿತು. ತಮ್ಮ ಕಿಸೆಯಿಂದ ಬೆಂಕಿ ಪೆಟ್ಟಿಗೆ ತೆಗೆದು ಕಡ್ಡಿ ಕೆರೆದು ನನ್ನ ಬೀಡಿಗೆ ಹಚ್ಚಿದರು. ಇದರಿಂದ ಒಂದು ಕ್ಷಣ ಅವಾಕ್ಕಾದ ನಾನು ಅವರ ಸ್ನೇಹ ಪ್ರೀತಿಗೆ ಅಲ್ಲಿಯೇ ಅವರ ವ್ಯಕ್ತಿತ್ವಕ್ಕೆ ಮಾರುಹೋದೆ’ ಎಂದರು.