ಕೆರೆಗೆ ಹಾರ, ಸರಳ ಪರಿಹಾರ

ಬೆಂಗಳೂರಿನ ಬೆಳ್ಳಂದೂರು ಕೆರೆಗೆ ಮತ್ತೆ ಬೆಂಕಿ ಬಿದ್ದು ಇನ್ನೊಮ್ಮೆ ಜಾಗತಿಕ ಮಟ್ಟದಲ್ಲಿ ಈ ನಗರದ ಮರ್ಯಾದೆ ಹರಾಜಾಗಿದೆ. ಅಪಾರ ಪ್ರಮಾಣದ ಜಲಕಳೆಗಳು ನೀರೊಳಗೆ ಕೊಳೆತು ಮೀಥೇನ್ ಅನಿಲ ಮಡುಗಟ್ಟಿದ್ದು, ಪ್ಲಾಸ್ಟಿಕ್ ಮತ್ತು ಒಣಕಳೆಯ ತ್ಯಾಜ್ಯಗಳು ಕೆರೆಯಲ್ಲಿ ತುಂಬಿಕೊಂಡಿದ್ದೇ ಬೆಂಕಿ–ಹೊಗೆಗೆ ಕಾರಣವೆಂದು ಹೇಳಲಾಗುತ್ತಿದೆ. ಈ ಮೂರೂ ಸಮಸ್ಯೆಗಳಿಗೆ ಒಂದು ಸರಳ ಉಪಾಯವಿದೆ: ಒಣಗಿದ ಜಲಕಳೆ ಮತ್ತು ಪ್ಲಾಸ್ಟಿಕ್ ತ್ಯಾಜ್ಯಗಳನ್ನು ಕಿಲೊಕ್ಕೆ ₹ 50ರಂತೆ ಖರೀದಿಸುತ್ತೇವೆ ಎಂದು ಕೆರೆಯ ಸುತ್ತ ಹತ್ತಾರು ಕಡೆ ಫಲಕ ಹಾಕಿ, ಖರೀದಿ ವ್ಯವಸ್ಥೆ ಮಾಡಲಿ. ತಾನಾಗಿ ಎಲ್ಲವೂ ಸಂಗ್ರಹವಾಗುತ್ತದೆ. ಅವೆರಡೂ ಅತ್ಯುತ್ತಮ ಇಂಧನವಾಗಿದ್ದು, ಚೆನ್ನಾಗಿ ಒತ್ತಿ ಪ್ಯಾಕ್ ಮಾಡಿದ್ದರೆ ಬಾಯ್ಲರ್ ಮತ್ತು ಫ್ಯಾಕ್ಟರಿಗಳು ಕಮ್ಮಿ ಬೆಲೆಗೆ ಖರೀದಿ ಮಾಡುತ್ತವೆ. ಸುಟ್ಟು ವಿದ್ಯುತ್ತನ್ನೂ ಉತ್ಪಾದಿಸಬಹುದು. ಹೊಗೆ, ವಾಸನೆ ಹೊಮ್ಮದಂಥ ತಂತ್ರಜ್ಞಾನವೂ ನಮ್ಮಲ್ಲಿದೆ. ನಿಗಾ ಇಡಬೇಕಾದ ಕಾನೂನುಗಳೂ ಕಡತಗಳಲ್ಲಿ ಇವೆ.