ನವದೆಹಲಿ: ಐದು ಕಂಪೆನಿಗಳು ಮಾರ್ಚ್ನಲ್ಲಿ ಆರಂಭಿಕ ಸಾರ್ವಜನಿಕ ಕೊಡುಗೆ (ಐಪಿಒ) ಮೂಲಕ ₹3,860 ಕೋಟಿ ಸಂಗ್ರಹಿಸಲು ಮುಂದಾಗಿವೆ.
2016ರಲ್ಲಿ ಒಟ್ಟು 26 ಕಂಪೆನಿಗಳು ಐಪಿಒ ಮೂಲಕ ₹26,000 ಕೋಟಿ ಸಂಗ್ರಹಿಸಿವೆ. 2010ರ ನಂತರ ಐಪಿಒ ಮೂಲಕ ಸಂಗ್ರಹಿಸಿದ ಗರಿಷ್ಠ ಪ್ರಮಾಣದ ಹಣ ಅದಾಗಿದೆ.
ಅವೆನ್ಯೂ ಸೂಪರ್ ಮಾರ್ಟ್ ಸಂಸ್ಥೆ , ರೇಡಿಯೊ ಸಿಟಿ ಎಫ್ಎಂ ಚಾನೆಲ್ ನಿರ್ವಹಿಸುತ್ತಿರುವ ಜಾಗರಣ್ ಗ್ರೂಪ್ನ ಮ್ಯೂಸಿಕ್ ಬ್ರಾಡ್ಕಾಸ್ಟ್, ಬೆಂಗಳೂರು ಮೂಲದ ಶಂಕರ್ ಬಿಲ್ಡಿಂಗ್ ಪ್ರಾಡಕ್ಟ್, ಬಿಎಸ್ಇಯ ಸಿಡಿಎಸ್ಎಲ್ ಹಾಗೂ ಸಿ.ಎಲ್. ಎಜ್ಯುಕೇಟ್ ಕಂಪೆನಿಗಳು ಐಪಿಒ ಮೂಲಕ ಬಂಡವಾಳ ಸಂಗ್ರಹಿಸಲಿವೆ ಎಂದು ಮೂಲಗಳು ಹೇಳಿವೆ.