ಸೇವಾ ಕಾರ್ಯ, ಸಾಮಾಜಿಕ ಜವಾಬ್ದಾರಿಗೆ ಮನವಿ

ಆನೇಕಲ್‌: ಸರ್ಕಾರಿ ಶಾಲೆಗಳಲ್ಲಿ ಮೂಲಸೌಲಭ್ಯಗಳನ್ನು ಕಲ್ಪಿಸಿ ಗುಣಮಟ್ಟದ ಶಿಕ್ಷಣ ನೀಡಲು ಸರ್ಕಾರದ ಜೊತೆಗೆ ಸಾರ್ವಜನಿಕರ ಸಹಭಾಗಿತ್ವ ಅವಶ್ಯಕ. ಈ ನಿಟ್ಟಿನಲ್ಲಿ ಸಂಘ ಸಂಸ್ಥೆಗಳು ಸಾಮಾಜಿಕ ಜವಾಬ್ದಾರಿಯಿಂದ ಕೆಲಸ ಮಾಡಬೇಕು ಎಂದು ವಿಧಾನ ಪರಿಷತ್ ಮಾಜಿ ಸದಸ್ಯ ಬಿ.ಟಿ.ದಯಾನಂದ ತಿಳಿಸಿದರು.

ಅವರು ತಾಲ್ಲೂಕಿನ ಹುಸ್ಕೂರು ಗೇಟ್‌ನಲ್ಲಿ ದಯಾನಂದ ಪ್ರತಿಷ್ಠಾನ, ಲ್ಯಾಂಡ್‌ ಮಾರ್ಕ್‌ ಸಂಸ್ಥೆ ಹಾಗೂ ಇಂಡಿಯನ್‌ ಇನ್‌್ಸಸ್ಟಿಟ್ಯೂಟ್ ಆಫ್ ಇಂಟಿಯರ್ ಡೆಕೋರೇಷನ್‌ ಸಂಸ್ಥೆಯ ಸಹಯೋಗದಲ್ಲಿ ಸಾಮಾಜಿಕ ಕಾರ್ಯಗಳನ್ನು ನಿರ್ವಹಿಸಲು ಒಡಂಬಡಿಕೆ ಹಾಗೂ ಸೇವಾ ಕಾರ್ಯಗಳಿಗೆ ವಸ್ತುಗಳಿಗಾಗಿ ಗೋದಾಮು ಉದ್ಘಾಟನೆ ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ಮಾತನಾಡಿದರು.

ಬೆಂಗಳೂರು ನಗರ ಸೇರಿದಂತೆ ರಾಜ್ಯದ ಎಲ್ಲೆಡೆ ಮನೆ ನಿರ್ಮಾಣ ಮಾಡಿ ಉಳಿದ ವಸ್ತುಗಳು ಹಾಗೂ ಇಂಟಿಯರ್‌ ಡೆಕೋರೇಷನ್‌ಗೆ ಬಳಸಿದ ಉಳಿಕೆ ವಸ್ತುಗಳನ್ನು ಸಂಗ್ರಹಿಸಿ ಶಾಲೆಗಳಲ್ಲಿ ಶೌಚಾಲಯ ನಿರ್ಮಾಣ, ಕೊಠಡಿಗಳ ನಿರ್ಮಾಣ ಹಾಗೂ ಕೊಳಚೆ ಪ್ರದೇಶಗಳಲ್ಲಿ ಮೂಲಸೌಲಭ್ಯಗಳನ್ನು ಕಲ್ಪಿಸಲು ಸಂಗ್ರಹಣೆ, ವಿಂಗಡಣೆ ಹಾಗೂ ವಿತರಣೆಗಾಗಿ ಲ್ಯಾಂಡ್‌ಮಾರ್ಕ್‌ ಮಳಿಗೆಯ ವಿಶಾಲ ಗೋದಾಮನ್ನು ಉಚಿತವಾಗಿ ನೀಡಲಾಗಿದೆ.