ಸಮಾಜವಾದಿ ಕ್ರಾಂತಿ ಶತಮಾನೋತ್ಸವ

‘ಬೆಚ್ಚಿಬಿದ್ದು ಕೇಳಿ ನೀವು, ಹೆಣ್ಣು ತೊಡೆತಟ್ಟಿ ನಿಂತಾಗಿದೆ’

‘ಬೆಚ್ಚಿಬಿದ್ದು ಕೇಳಿ ನೀವು, ಹೆಣ್ಣು ತೊಡೆತಟ್ಟಿ ನಿಂತಾಗಿದೆ... ತೊಟ್ಟಿಲು ತೂಗುವ ಕೈ ದೂಳೆಬ್ಬಿಸಿ ಮುನ್ನುಗ್ಗಿಯಾಗಿದೆ...’ ಎಂಬ ಕವಯತ್ರಿ ಶಾಕಿರಾ ಬಾನು ಅವರ ಸಾಲುಗಳು ಕೇಳುತ್ತಿದ್ದಂತೆ ಅಸಂಘಟಿತ ವಲಯದ ಮಹಿಳೆಯರ ಕರತಾಡನ ಮುಗಿಲುಮುಟ್ಟಿತ್ತು.

ಲೇಖಕಿ ಆರ್‌. ಇಂದಿರಾ ಅವರು (ಎಡದಿಂದ ಮೂರನೇಯವರು) ಸಮಾಜವಾದಿ ಕ್ರಾಂತಿ ಸಂಘಟನೆ ರೂಪಿಸಿದ್ದ ‘ಮಹಿಳಾ ಕ್ರಾಂತಿ’ಯ ಪೋಸ್ಟರ್‌ಗಳನ್ನು ಬಿಡುಗಡೆ ಮಾಡಿದರು. ಪ್ರಾಧ್ಯಾಪಕಿ ಎಂ.ಎಸ್‌.ಆಶಾದೇವಿ, ಲೇಖಕಿರಾದ ಡಾ. ಎನ್. ಗಾಯತ್ರಿ, ಕೆ. ಷರೀಫಾ, ಎಚ್.ಆರ್. ಸುಜಾತಾ ಅವರು ಪೋಸ್ಟರ್‌ಗಳ ಬಗ್ಗೆ ಚರ್ಚಿಸಿದರು

ಬೆಂಗಳೂರು: ‘ಬೆಚ್ಚಿಬಿದ್ದು ಕೇಳಿ ನೀವು, ಹೆಣ್ಣು ತೊಡೆತಟ್ಟಿ ನಿಂತಾಗಿದೆ... ತೊಟ್ಟಿಲು ತೂಗುವ ಕೈ ದೂಳೆಬ್ಬಿಸಿ ಮುನ್ನುಗ್ಗಿಯಾಗಿದೆ...’ ಎಂಬ ಕವಯತ್ರಿ ಶಾಕಿರಾ ಬಾನು ಅವರ ಸಾಲುಗಳು ಕೇಳುತ್ತಿದ್ದಂತೆ ಅಸಂಘಟಿತ ವಲಯದ ಮಹಿಳೆಯರ ಕರತಾಡನ ಮುಗಿಲುಮುಟ್ಟಿತ್ತು.

ನಗರದ ಸೇಂಟ್ ಜೋಸೆಫ್ ಕಾಲೇಜು ಸಭಾಂಗಣ­ದಲ್ಲಿ ಭಾನುವಾರ ಏರ್ಪಡಿಸಿದ್ದ ‘ಸಮಾಜವಾದಿ ಕ್ರಾಂತಿ ಶತಮಾನೋತ್ಸವ ಮತ್ತು ಅಂತರರಾಷ್ಟ್ರೀಯ ಮಹಿಳಾ ದಿನಾಚರಣೆ’ ಕಾರ್ಯಕ್ರಮದಲ್ಲಿ ಮನೆಗೆಲಸ, ಕೂಲಿ ಕೆಲಸ, ಗಾರ್ಮೆಂಟ್ಸ್‌ ಕೆಲಸದ ಮಹಿಳೆಯರೇ ತುಂಬಿದ್ದರು.

‘ಎಲ್ಲವನ್ನೂ ಸಹಿಸಿಕೊಳ್ಳಬೇಕಮ್ಮ, ಏರುದನಿಯಲ್ಲಿ ಮಾತಾಡ್ಬಾರ್ದು ಎಂದು ನಾನು ಸಣ್ಣಾಕಿ ಇದ್ದಾಗ ಅಪ್ಪ ಸದಾ ಹೇಳುತ್ತಿದ್ದ. ಅದೇ ಬಹಳಷ್ಟು ಕಾಲ ದೌರ್ಜನ್ಯವನ್ನು ಮೌನದಿಂದ ಸಹಿಸಿಕೊಳ್ಳುವಂತೆ ಮಾಡಿತ್ತು. ನನ್ನಂತೆ ಇತರರಿಗೂ ಆ ಸಮಸ್ಯೆ ಆಗುತ್ತಿದೆ ಎಂದು ತಿಳಿದಾಗ ದೌರ್ಜನ್ಯದ ವಿರುದ್ಧ ಧ್ವನಿ ಎತ್ತಿದೆ’ ಎಂದು ಗಾರ್ಮೆಂಟ್ಸ್‌ ಉದ್ಯೋಗಿ ಶಾಂತಮ್ಮ  ತಮ್ಮ ನೋವುಗಳನ್ನು ಹಂಚಿಕೊಂಡರು.

ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿದ ಲೇಖಕಿ ಆರ್‌. ಇಂದಿರಾ, ‘ನಮ್ಮೆದುರಿಗೆ ಹೋರಾಟದ ಆಯ್ಕೆ, ಹೊಂದಾಣಿಕೆ ಆಯ್ಕೆ ಎರಡೂ ಇವೆ. ವೈಯಕ್ತಿಕ ನೆಮ್ಮದಿ ಎನ್ನುವ ಭ್ರಮೆಯನ್ನು ಬಿಟ್ಟು ಸಾಮಾಜಿಕ ಹೋರಾಟಕ್ಕೆ ಅಣಿಯಾಗಬೇಕು’ ಎಂದು  ನುಡಿದರು.

‘ಪುರುಷರೇ ನೀವು ನಮ್ಮ ಜತೆ ಯಾವುದೇ ತರಹದ ದುರ್ವರ್ತನೆಗಳನ್ನು ಮಾಡುವಂತಿಲ್ಲ. ಮಾಡಿದರೆ ತಪ್ಪಿಸಿಕೊಂಡು ಹೋಗಲು ಸಾಧ್ಯವಿಲ್ಲ ಎಂಬ ಬಲವಾದ ಸಂದೇಶವನ್ನು ರವಾನಿಸುವ ಜವಾಬ್ದಾರಿ ಮಹಿಳಾ ಚಳವಳಿಗಳಿವೆ’ ಎಂದು ಅವರು ತಿಳಿಸಿದರು.

ಪ್ರಾಧ್ಯಾಪಕಿ ಎಂ.ಎಸ್‌. ಆಶಾದೇವಿ ಮಾತನಾಡಿ, ‘ಎಲ್ಲಾ ವಿರೋಧಗಳ ನಡುವೆಯೂ ಒಬ್ಬ ಮಹಿಳೆ ಮೇಲೆ ಅತ್ಯಾಚಾರ ನಡೆದರೆ, ಕೊಳೆಯಾದ ಕೈಯನ್ನು ಹೇಗೆ ತೊಳೆದು ಕೊಳ್ಳುತ್ತೇವೆಯೊ ಹಾಗೆಯೇ ದೇಹವನ್ನು ಸ್ವಚ್ಛಗೊಳಿಸಿ ಮುಂದಿನ ಹೆಜ್ಜೆ ಇಡಬೇಕು’ ಎಂದು  ಅವರು ಹೇಳಿದರು.

ಶಿಕ್ಷಣಕ್ಕೆ ತೊಂದರೆ
ಶಿವಮೊಗ್ಗದ ಸಹ್ಯಾದ್ರಿ ಕಾಲೇಜಿನಲ್ಲಿ ಮುಸ್ಲಿಂ ಹೆಣ್ಣು ಮಕ್ಕಳು ಬುರ್ಖಾ ಧರಿಸಿ ಹೋದರೆ ಕಾಲೇಜಿನಲ್ಲಿ ವಿರೋಧಿಸುತ್ತಾರೆ. ಆದರೆ, ಧರಿಸದೆ ಹೋದರೆ ಕುಟುಂಬದವರು ವಿರೋಧಿಸುತ್ತಾರೆ. ಎಷ್ಟೋ ವರ್ಷಗಳ ನಂತರ

ಹೆಣ್ಣುಮಕ್ಕಳು ಕಾಲೇಜಿಗೆ ಹೋಗುತ್ತಿದ್ದಾರೆ. ಅದು ಖುಷಿಯ ಸಂಗತಿ. ಆದರೆ ಈ ಬುರ್ಖಾದ ಪರ-ವಿರೋಧದ ವಾದದಿಂದ
ಅವರ ಶಿಕ್ಷಣಕ್ಕೆ ತೊಂದರೆಯಾಗುತ್ತಿದೆ.
–ಡಾ. ಕೆ. ಷರೀಫಾ, ಲೇಖಕಿ

Comments
ಈ ವಿಭಾಗದಿಂದ ಇನ್ನಷ್ಟು

ಬೆಂಗಳೂರು
ವಾಟ್ಸ್‌ಆ್ಯಪ್‌ ಸಂದೇಶ ಕಳುಹಿಸಿ ಯುವಕ ಆತ್ಮಹತ್ಯೆ

ಪರಿಚಯಸ್ಥ ಯುವತಿಗೆ ವಾಟ್ಸ್‌ಆ್ಯಪ್‌ನಲ್ಲಿ ಸಂದೇಶ ಕಳುಹಿಸಿ ಕೆವಿನ್ ಫೆಡರಿಕ್ (21) ಎಂಬುವರು ಗುರುವಾರ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.

25 May, 2018
ಯುಟಿಎಸ್‌ ಆ್ಯಪ್‌ ಬಳಸಿದರೆ ಶೇ 5ರಷ್ಟು ಬೋನಸ್‌

ಬೆಂಗಳೂರು
ಯುಟಿಎಸ್‌ ಆ್ಯಪ್‌ ಬಳಸಿದರೆ ಶೇ 5ರಷ್ಟು ಬೋನಸ್‌

25 May, 2018
ವಿಧಾನಸೌಧಕ್ಕೆ ನಡೆದುಕೊಂಡೇ ಹೋದ ಬ್ಯಾನರ್ಜಿ, ಕೇಜ್ರಿವಾಲ್

ಬೆಂಗಳೂರು
ವಿಧಾನಸೌಧಕ್ಕೆ ನಡೆದುಕೊಂಡೇ ಹೋದ ಬ್ಯಾನರ್ಜಿ, ಕೇಜ್ರಿವಾಲ್

25 May, 2018
‘ಹೊಸ ಜವಳಿ ನೀತಿ ಶೀಘ್ರ’

ಬೆಂಗಳೂರು
‘ಹೊಸ ಜವಳಿ ನೀತಿ ಶೀಘ್ರ’

25 May, 2018
ಮೈತ್ರಿ ಸರ್ಕಾರದ ಸಂಧಾನ ಸಭೆ ವಿಫಲ

ಬೆಂಗಳೂರು
ಮೈತ್ರಿ ಸರ್ಕಾರದ ಸಂಧಾನ ಸಭೆ ವಿಫಲ

25 May, 2018