ಪ್ಯಾರಿಸ್‌: ವಿಮಾನ ನಿಲ್ದಾಣದಲ್ಲಿ ಆತಂಕ

ಶುಕ್ರವಾರ ಬೆಳಗ್ಗೆ 8.30ರ ವೇಳೆಗೆ ಭದ್ರತಾ ಪಡೆ ನಡೆಸಿದ ಈ ಗುಂಡಿನ ದಾಳಿ ಬಳಿಕ ವಿಮಾನ ನಿಲ್ದಾಣದ ಒಂದು ಟರ್ಮಿನಲ್‌ ಮುಚ್ಚಲಾಗಿತ್ತು. ಮತ್ತೊಂದು ಟರ್ಮಿನಲ್‌ನಿಂದ 3000 ಪ್ರಯಾಣಿಕರನ್ನು ತೆರವುಗೊಳಿಸಲಾಯಿತು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಅಧ್ಯಕ್ಷೀಯ ಚುನಾವಣೆಗೆ  ಕೆಲವೇ ವಾರಗಳು ಇರುವ ಸಂದರ್ಭದಲ್ಲಿಯೇ ಈ ದಾಳಿ ನಡೆದಿದೆ.

‘ವಿಮಾನ ನಿಲ್ದಾಣದಲ್ಲಿ ಸೈನಿಕನ ಬಂದೂಕು ಕಸಿದುಕೊಂಡ ವ್ಯಕ್ತಿ ಅಂಗಡಿಯಲ್ಲಿ ಅವಿತಿದ್ದ. ಆತನನ್ನು ಗುಂಡಿಟ್ಟು ಕೊಲ್ಲಲಾಗಿದೆ. ವ್ಯಕ್ತಿ ಬಳಿ ಸ್ಫೋಟಕಗಳಿದ್ದವೇ ಎಂಬ ತನಿಖೆ ನಡೆಸಲಾಗುತ್ತಿದೆ. ಘಟನೆಯಲ್ಲಿ ಯಾರೂ ಗಾಯಗೊಂಡಿಲ್ಲ’ ಎಂದು ಆಂತರಿಕ ಸಚಿವಾಲಯದ ವಕ್ತಾರ ಪಿಯರ್‌ ಹೆನ್ರಿ ಬ್ರಾಂಡೆಟ್‌ ತಿಳಿಸಿದ್ದಾರೆ.

ಆಂತರಿಕ ಸಚಿವ ಬ್ರುನೊ ಲಿ ರೌಕ್ಸ್‌ ಅವರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದರು.