ಹೊಸಪೇಟೆ: ಸುಮಾರು ನಾಲ್ಕು ವರ್ಷಗಳ ನಂತರ, ಇಲ್ಲಿನ ದರೋಜಿ ಕರಡಿಧಾಮದ ಕರಡಿಗುಡ್ಡದ ಮೇಲೆ ಎರಡು ಕರಡಿ ಮರಿಗಳು ಒಟ್ಟಿಗೆ ಕಾಣಿಸಿಕೊಂಡಿವೆ.
ಎರಡೂ ಕರಡಿ ಮರಿಗಳು ನಿತ್ಯ ಸಂಜೆಯಾಗುತ್ತಿದ್ದಂತೆಯೇ ಕರಡಿಗುಡ್ಡದ ಮೇಲೆ ಕಾಣಿಸಿಕೊಳ್ಳುತ್ತಿವೆ. ತಾಯಿ ಮೇಲೆ ಕುಳಿತು ಸವಾರಿ ಮಾಡುತ್ತ, ಆಟವಾಡುತ್ತಿವೆ. ಅವುಗಳ ಪ್ರತಿಯೊಂದು ಕ್ಷಣವನ್ನು ಸೆರೆಹಿಡಿಯಲು ಛಾಯಾಗ್ರಾಹಕರು ನಿತ್ಯ ಕರಡಿಧಾಮಕ್ಕೆ ದೌಡಾಯಿಸುತ್ತಿದ್ದಾರೆ. ಪರಿಸರ ಪ್ರೇಮಿಗಳು ಅವುಗಳನ್ನು ನೋಡಿ ಖುಷಿಪಡುತ್ತಿದ್ದಾರೆ.