ಬೆಂಗಳೂರು

ಕಪಾಲಿ ಚಿತ್ರಮಂದಿರ ಇನ್ನು ನೆನಪು ಮಾತ್ರ

​ಕಾಗದ ಪತ್ರಗಳ ವರ್ಗಾವಣೆ ಮಾತ್ರ ಬಾಕಿ ಇದ್ದು, ಅದು ಪೂರ್ಣಗೊಂಡ ಬಳಿಕ ಚಿತ್ರಮಂದಿರದ ನೆಲಸಮ ಕೆಲಸ ಆರಂಭವಾಗಲಿದೆ. ಮಾಲ್‌ ನಿರ್ಮಾಣ ಕೆಲಸ ಶುರುವಾಗಲಿದೆ ಎಂದು ಮೂಲಗಳು ತಿಳಿಸಿವೆ.

ಕಪಾಲಿ ಚಿತ್ರಮಂದಿರ ಇನ್ನು ನೆನಪು ಮಾತ್ರ
ಬೆಂಗಳೂರು: ಏಷ್ಯಾದಲ್ಲೇ ಮೊದಲ ಬಾರಿಗೆ ‘ಸಿನೆರಾಮ್‌ ತಂತ್ರಜ್ಞಾನ’ ಅಳವಡಿಸಿಕೊಂಡು 49 ವರ್ಷ ಸಿನಿಪ್ರಿಯರ ನೆಚ್ಚಿನ ಚಿತ್ರಗಳ ಪ್ರದರ್ಶನಕ್ಕೆ ಸಾಕ್ಷಿಯಾಗಿದ್ದ ಗಾಂಧಿನಗರದ ‘ಕಪಾಲಿ’ ಚಿತ್ರಮಂದಿರ ತಿಂಗಳಿನಲ್ಲಿ ನೆಲಸಮವಾಗಲಿದೆ. ಈ ಜಾಗದಲ್ಲಿ ಬಹುಮಹಡಿ ಕಟ್ಟಡದ ಮಾಲ್‌ ತಲೆ ಎತ್ತಲಿದೆ.
 
ಚಿತ್ರಮಂದಿರದ ಜಾಗವನ್ನು ಮಾಲೀಕರಾದ ದಾಸಪ್ಪ ಸಹೋದರರು, ಬೆಳಗಾವಿಯ ಉದ್ಯಮಿಯೊಬ್ಬರಿಗೆ ಮಾರಾಟ ಮಾಡಿದ್ದಾರೆ. ಮುಂಗಡ ಹಣವನ್ನೂ ಪಡೆದುಕೊಂಡಿದ್ದಾರೆ.

ಕಾಗದ ಪತ್ರಗಳ ವರ್ಗಾವಣೆ ಮಾತ್ರ ಬಾಕಿ ಇದ್ದು, ಅದು ಪೂರ್ಣಗೊಂಡ ಬಳಿಕ ಚಿತ್ರಮಂದಿರದ ನೆಲಸಮ ಕೆಲಸ ಆರಂಭವಾಗಲಿದೆ. ಮಾಲ್‌ ನಿರ್ಮಾಣ ಕೆಲಸ ಶುರುವಾಗಲಿದೆ ಎಂದು ಮೂಲಗಳು ತಿಳಿಸಿವೆ.
 
ಹಂಚಿಕೆದಾರ ಜಯಣ್ಣ, ಈ ಚಿತ್ರಮಂದಿರವನ್ನು 5 ವರ್ಷಗಳವರೆಗೆ ಗುತ್ತಿಗೆ ಪಡೆದಿದ್ದರು. ಅದರ ಅವಧಿ ಸಹ ಇದೇ ತಿಂಗಳು ಮುಕ್ತಾಯವಾಗಲಿದೆ. 
1968ರಲ್ಲಿ  ಚಿತ್ರಮಂದಿರ ನಿರ್ಮಾಣ: ಸುಬೇದಾರ್‌ ಛತ್ರಂ ರಸ್ತೆಯಲ್ಲಿರುವ  44,184 ಚದರ ಅಡಿ ಜಾಗದಲ್ಲಿ 1968ರಲ್ಲಿ ಈ ಚಿತ್ರಮಂದಿರವನ್ನು ನಿರ್ಮಿಸಲಾಗಿತ್ತು. ಅಂದಿನ ಪ್ರಧಾನಿ  ಮೊರಾರ್ಜಿ ದೇಸಾಯಿ ಅವರು ಉದ್ಘಾಟಿಸಿದ್ದರು. 
 
ಆರಂಭದಲ್ಲಿದ್ದ 1,465 ಆಸನಗಳ ಸಾಮರ್ಥ್ಯವನ್ನು ಕ್ರಮೇಣ 1,112ಕ್ಕೆ ಇಳಿಸಲಾಗಿತ್ತು. ಈ ಚಿತ್ರಮಂದಿರದಲ್ಲಿ ಬಿಡುಗಡೆಗೊಂಡಿದ್ದ ಡಾ. ರಾಜ್‌ಕುಮಾರ್ ಅಭಿನಯದ ‘ಮಣ್ಣಿನ ಮಗ’ ಚಿತ್ರವು 100 ದಿನ ಯಶಸ್ವಿ ಪ್ರದರ್ಶನ ಕಂಡ ಮೊದಲ ಚಿತ್ರವಾಗಿದೆ. ಇಂಗ್ಲಿಷ್‌ ಹಾಗೂ ಹಿಂದಿ ಭಾಷೆಯ ಚಿತ್ರಗಳು ಸಹ ಇಲ್ಲಿ ಪ್ರದರ್ಶನಗೊಂಡಿದ್ದವು.
 
‘ಹಾಲು ಜೇನು’ ಚಿತ್ರ ಬಿಡುಗಡೆ ವೇಳೆ ಪ್ರಚಾರಕ್ಕಾಗಿ ಚಿತ್ರಮಂದಿರದ ಹೊರಗೆ  ಮೊದಲ ಬಾರಿಗೆ ರಾಜ್‌ಕುಮಾರ್‌ ಅವರ 58 ಅಡಿ ಉದ್ದದ ಕಟೌಟ್‌ ನಿಲ್ಲಿಸಲಾಗಿತ್ತು. ಅಂದಿನಿಂದ ಕಟೌಟ್‌ ನಿಲ್ಲಿಸುವ ಪದ್ಧತಿ ಶುರುವಾಗಿತ್ತು.
 
ಶಿವರಾಜ್‌ಕುಮಾರ್‌ ಅಭಿನಯದ ‘ಓಂ’ ಚಿತ್ರ 30 ಬಾರಿ ಈ ಚಿತ್ರಮಂದಿರದಲ್ಲಿ ಬಿಡುಗಡೆಗೊಂಡಿದ್ದು ದಾಖಲೆಯಾಗಿದೆ. ಈ ಹಿಂದೆ ಕೆ.ಜಿ.ರಸ್ತೆಯ ಸಂಗಮ್‌, ಮೆಜೆಸ್ಟಿಕ್‌, ಹಿಮಾಲಯ, ತ್ರಿಭುವನ್‌, ಸಾಗರ್‌, ಕೆಂಪೇಗೌಡ, ಕೈಲಾಶ್‌, ಕಲ್ಪನಾ ಚಿತ್ರಮಂದಿರಗಳು ಬಂದ್‌ ಆಗಿದ್ದವು. ಈಗ ಅವುಗಳ ಸಾಲಿಗೆ ಕಪಾಲಿ ಚಿತ್ರಮಂದಿರ ಸಹ ಸೇರ್ಪಡೆಗೊಂಡಂತಾಗಲಿದೆ.  
Comments
ಈ ವಿಭಾಗದಿಂದ ಇನ್ನಷ್ಟು
ಕಡತಗಳಿಗೆ ಪೆಟ್ರೋಲ್ ಎರಚಿ ದರ್ಪ ತೋರಿದ್ದ ಕಾಂಗ್ರೆಸ್ ಮುಖಂಡ ನಾರಾಯಣಸ್ವಾಮಿ ಪೊಲೀಸರಿಗೆ ಶರಣು

ಹೊರಮಾವು ಬಿಬಿಎಂಪಿ ಕಚೇರಿಯಲ್ಲಿ ಘಟನೆ
ಕಡತಗಳಿಗೆ ಪೆಟ್ರೋಲ್ ಎರಚಿ ದರ್ಪ ತೋರಿದ್ದ ಕಾಂಗ್ರೆಸ್ ಮುಖಂಡ ನಾರಾಯಣಸ್ವಾಮಿ ಪೊಲೀಸರಿಗೆ ಶರಣು

23 Feb, 2018

ಬೆಂಗಳೂರು
ಜೆಸಿಬಿ ಹರಿದು ಯುವಕ ಸಾವು

ಪೀಣ್ಯ ಮೇಲ್ಸೇತುವೆ ಬಳಿ ಜೆಸಿಬಿ-ಕ್ಯಾಂಟರ್ ನಡುವೆ ಸಂಭವಿಸಿದ ಅಪಘಾತದಲ್ಲಿ ಯಾದಗಿರಿಯ ನಾಗರಾಜು (22) ಬುಧವಾರ ರಾತ್ರಿ ಮೃತ‍ಪಟ್ಟಿದ್ದಾರೆ.

23 Feb, 2018

ಬೆಂಗಳೂರು
ಯುವಕ ಅನುಚಿತ ವರ್ತನೆ: ವಿಡಿಯೊ ವೈರಲ್

ಡಿಪ್ಲೊಮಾ ವಿದ್ಯಾರ್ಥಿಯಾದ ಆತ, ವಿದ್ಯಾರ್ಥಿನಿಯರನ್ನು ಅಡ್ಡಗಟ್ಟಿ ಚುಡಾಯಿಸುತ್ತಿದ್ದ. ಈ ಬಗ್ಗೆ ಎಚ್ಚರಿಕೆ ನೀಡಿದ್ದರೂ ಹಳೆ ಚಾಳಿ ಮುಂದುವರಿಸಿದ್ದ ಎಂದು ದೂರುದಾರ ವ್ಯಕ್ತಿ ತಿಳಿಸಿದರು.

23 Feb, 2018

ಬೆಂಗಳೂರು
ಕುಟುಂಬಸ್ಥರು, ಆಪ್ತರ ವಿಚಾರಣೆಗೆ ಒಳಪಡಿಸಿದ ಪೊಲೀಸರು

ಹೊರಮಾವು ಬಿಬಿಎಂಪಿ ಕಚೇರಿಗೆ ನುಗ್ಗಿ ದಾಂದಲೆ ನಡೆಸಿದ ಪ್ರಕರಣ ಸಂಬಂಧ ಕಾಂಗ್ರೆಸ್‌ ಮುಖಂಡ ನಾರಾಯಣಸ್ವಾಮಿ ಅವರಿಗಾಗಿ ಶೋಧ ಕಾರ್ಯ ಮುಂದುವರೆದಿದ್ದು, ರಾಮಮೂರ್ತಿನಗರ ಪೊಲೀಸರು ಗುರುವಾರ...

23 Feb, 2018
ಎಸ್‌ಸಿ ಪಟ್ಟಿಗೆ ಸೇರಿಸಲು ಮಡಿವಾಳರ ಆಗ್ರಹ

ಬೆಂಗಳೂರು
ಎಸ್‌ಸಿ ಪಟ್ಟಿಗೆ ಸೇರಿಸಲು ಮಡಿವಾಳರ ಆಗ್ರಹ

23 Feb, 2018