ಜೀರಿಗೆ ಬೆಳೆಗೆ ಸಮಶೀತೋಷ್ಣ ಹವಾಗುಣ ಒಳ್ಳೆಯದು. ಗೋಡು ಮಣ್ಣು ಬೇಸಾಯಕ್ಕೆ ಸೂಕ್ತ. ಸಾಸಿವೆಯನ್ನು ಕಪ್ಪು ಮಣ್ಣು ಹೊರತುಪಡಿಸಿ ಮಿಕ್ಕೆಲ್ಲಾ ಮಣ್ಣುಗಳಲ್ಲಿ ಮಿಶ್ರ ಬೆಳೆಯಾಗಿಯೂ ಬೆಳೆಯುತ್ತಾರೆ.
*
ಬಿತ್ತನೆಗೆ ಸೂಕ್ತ ಸಮಯ
- ಜೀರಿಗೆಗೆ ಏಪ್ರಿಲ್ ಮತ್ತು ಅಕ್ಟೋಬರ್ ತಿಂಗಳು
- ಸಾಸಿವೆಗೆ ಜುಲೈ, ಆಗಸ್ಟ್ ಮತ್ತು ಅಕ್ಟೋಬರ್ ತಿಂಗಳು
*
ಜೀರಿಗೆಯಲ್ಲಿ ಆರ್.ಎಸ್.-1, ಎಂ.ಸಿ.-43 ಮತ್ತು ಎಸ್. 404 ಹಾಗೂ ಸಾಸಿವೆಯಲ್ಲಿ ಆರ್.ಟಿ.-11 ಮತ್ತು ವರುಣ ಸುಧಾರಿತ ತಳಿಗಳು.
*
ಜೀರಿಗೆಯಲ್ಲಿ ಮಡಿಗಳನ್ನು ತಯಾರಿಸಿ ಬೀಜ ಬಿತ್ತನೆ ಮಾಡಬೇಕು. ಬೀಜೋಪಚಾರ ಮಾಡಿದ ಬೀಜವನ್ನೇ ಬಿತ್ತಲು ಉಪಯೋಗಿಸಬೇಕು. ಆರಂಭದಲ್ಲಿ 3–4 ದಿನಗಳಿಗೊಮ್ಮೆ ನೀರು ಪೂರೈಸಬೇಕು. ಇಡೀ ಸಸ್ಯವನ್ನೇ ಕಿತ್ತು ಒಣಗಿಸಿ ನಂತರ ಕಾಳುಗಳನ್ನು ಬೇರ್ಪಡಿಸಬೇಕು.
*
ಜೀರಿಗೆ ಬೀಜ ಬಿತ್ತನೆ ಮಾಡಿದ ಸುಮಾರು ಮೂರೂವರೆ ತಿಂಗಳಿಗೆ ಬೆಳೆ ಕೊಯ್ಲಿಗೆ ಬರುತ್ತದೆ. ಸಾಸಿವೆ ಬಿತ್ತನೆ ಮಾಡಿದ ನಾಲ್ಕು ತಿಂಗಳ ನಂತರ ಬೆಳೆ ಕಟಾವಿಗೆ ಬರುತ್ತದೆ.