ಧರಣಿ

ಪೌರ ಕಾರ್ಮಿಕರ ಬಾಕಿ ವೇತನಕ್ಕೆ ಆಗ್ರಹ

ಸಮಾನ ಕೆಲಸಕ್ಕೆ ಸಮಾನ ವೇತನ ಮತ್ತು ಗುತ್ತಿಗೆ ಸಿಬ್ಬಂದಿ ವೇತನ ತ್ವರಿತವಾಗಿ ನೀಡುವಂತೆ ಈಗಾಗಲೇ ಸಂಬಂಧಿಸಿದ ಅಧಿಕಾರಿಗಳ ಗಮನಕ್ಕೆ ತಂದರೂ ಈವರೆಗೂ ಕಾರ್ಯಗತವಾಗಿಲ್ಲ

ಯಲಬುರ್ಗಾ: ಬಾಕಿ ವೇತನ ಪಾವತಿಸುವುದು, ದಿನಗೂಲಿ ನೌಕರರನ್ನು ಕಾಯಂಗೊಳಿಸುವುದು ಸೇರಿದಂತೆ ವಿವಿಧ ಬೇಡಿಕೆಗಳನ್ನು ಈಡೇರಿಸಬೇಕೆಂದು ಒತ್ತಾಯಿಸಿ ಕರ್ನಾಟಕ ರಾಜ್ಯ ಪೌರಸೇವಾ ನೌಕರರ ಸೇವಾ ಸಂಘದ ತಾಲ್ಲೂಕು ಘಟಕದ ಸದಸ್ಯರು ಮಂಗಳವಾರ ಪಟ್ಟಣ ಪಂಚಾಯತಿ ಕಚೇರಿ ಎದುರು ಧರಣಿ ನಡೆಸಿದರು.

ಸಂಘದ ಅಧ್ಯಕ್ಷ ಬಸವಲಿಂಗಪ್ಪ ಭಾಸ್ಕರ ಮಾತನಾಡಿ ‘ಸಮಾನ ಕೆಲಸಕ್ಕೆ ಸಮಾನ ವೇತನ ಮತ್ತು ಗುತ್ತಿಗೆ ಸಿಬ್ಬಂದಿ ವೇತನ ತ್ವರಿತವಾಗಿ ನೀಡುವಂತೆ ಈಗಾಗಲೇ ಸಂಬಂಧಿಸಿದ ಅಧಿಕಾರಿಗಳ ಗಮನಕ್ಕೆ ತಂದರೂ ಈವರೆಗೂ ಕಾರ್ಯಗತವಾಗಿಲ್ಲ. ಸಕಾಲದಲ್ಲಿ ವೇತನ ನೀಡದ ಕಾರಣ ಕುಟುಂಬ ನಿರ್ವಹಣೆಗೆ ತೊಂದರೆಯಾಗಿದೆ. ಒಂದು ತಿಂಗಳ ವೇತನ ಹಿಡಿದಿಡುವ ಮೂಲಕ ನೌಕರರ ಪರಿಶ್ರಮಕ್ಕೆ ಹಾಗೂ ಕುಟುಂಬಕ್ಕೆ ಅನ್ಯಾಯ ಮಾಡಿದ್ದಾರೆ.

ಮಕ್ಕಳ ವಿದ್ಯಾಭ್ಯಾಸ ಸೇರಿದಂತೆ ಇತರೆ ದೈನಂದಿನ ಖರ್ಚು ವೆಚ್ಚ ನಿಭಾಯಿಸಲು ಸಾಧ್ಯವಾಗದೇ ಸಾಲ ಮಾಡಬೇಕಾದ ಪರಿಸ್ಥಿತಿ ನಿರ್ಮಾಣಗೊಂಡಿದೆ’ ಎಂದರು.ಸಂಘದ ಮುಖಂಡರಾದ ಶಿವಕುಮಾರ ಸರ್ಗಣಾಚಾರ ಹಾಗೂ ಯಂಕಣ್ಣ ಜೋಷಿ ಮಾತನಾಡಿದರು. ಐ.ಪಿ.ಡಿ ಸಾಲಪ್ಪನವರ ವರದಿ ಅನ್ವಯ ಸರ್ಕಾರ ಪೌರ ನೌಕರರಿಗೆ ದೊರೆಯಬೇಕಾದ ಸೌಲಭ್ಯಗಳನ್ನು ಕಲ್ಪಿಸಿಕೊಡದೇ ನಿರ್ಲಕ್ಷ್ಯ ವಹಿಸಿದ್ದು ಕಾರ್ಮಿಕರಿಗೆ ಮಾಡಿದ ದ್ರೋಹ ಮಾಡುತ್ತಿರುವುದು ಸರಿಯಲ್ಲ, ಕೂಡಲೇ ಸಾರಪ್ಪನವರ ವರದಿ ಅನುಷ್ಠಾನಗೊಳಿಸಬೇಕು. ದಿನಗೂಲಿ ನೌಕರರನ್ನು ಕಾಯಂಗೊಳಿಸಬೇಕು ಎಂದು ಆಗ್ರಹಿಸಿದರು. 

ಪಟ್ಟಣ ಪಂಚಾಯತಿ ಅಧ್ಯಕ್ಷೆ ಜಯಶ್ರೀ ಅರಕೇರಿ ಪ್ರತಿಭಟನಾಕಾರಿಂದ ಮನವಿ ಸ್ವೀಕರಿಸಿ ಮಾತನಾಡಿದರು.  ಪೌರ ನೌಕರ ರಮೇಶ ಬೇಲೇರಿ, ಸುಭಾಶ ಭಾವಿಮನಿ, ನಾರಾಯಣ ಗಂಗಾಖೇಡ, ರವಿ ತಾಳಿಕೋಟಿ, ಜಗದೀಶ ಚಲವಾದಿ, ಬಸವರಾಜ, ಬಸವಲಿಂಗಪ್ಪ ಗಡಾದ,  ಯಲವ್ವ ಛಲವಾದಿ, ಶಿವವ್ವ, ನಾಗವ್ವ, ನೀಲವ್ವ ಚಲವಾದಿ, ಮರಬಸಪ್ಪ, ಶಾರವ್ವ, ಬಸವರಾಜ, ಯಲ್ಲಪ್ಪ ಚಲವಾದಿ, ರೇಣುಕಪ್ಪ ಕಮ್ಮಾರ, ಸೀಮಣ್ಣ ಬನ್ನಿಮರದ, ಯಲ್ಲಪ್ಪ ಸೂಡಿ,ರೇಣುಕಪ್ಪ ಹರಿಜನ ಇದ್ದರು.

Comments
ಈ ವಿಭಾಗದಿಂದ ಇನ್ನಷ್ಟು

ಕುಷ್ಟಗಿ
ಬಿಜೆಪಿ ಕಾಂಗ್ರೆಸ್‌ ಅಭ್ಯರ್ಥಿಗಳ ಶಕ್ತಿ ಪ್ರದರ್ಶನ

ಈ ಕ್ಷೇತ್ರದ ವಿಧಾನಸಭಾ ಚುನಾವಣೆ ಕಾವು ಪಡೆದುಕೊಳ್ಳುತ್ತಿದ್ದು ಸೋಮವಾರ ಕಾಂಗ್ರೆಸ್‌ ಮತ್ತು ಬಿಜೆಪಿ ಅಭ್ಯರ್ಥಿಗಳು ಪಟ್ಟಣದಲ್ಲಿ ಬೆಂಬಲಿಗರೊಂದಿಗೆ ಮೆರವಣಿಗೆ ಮೂಲಕ ಶಕ್ತಿ ಪ್ರದರ್ಶನ ನಡೆಸಿದರು. ...

24 Apr, 2018

ಕೊಪ್ಪಳ
ಕಾಗದ ದರ, ಮುದ್ರಣ ವೆಚ್ಚ ದುಬಾರಿ

'ಕಾಗದದ ದರ ಮತ್ತು ಮುದ್ರಣ ವೆಚ್ಚ ದುಬಾರಿ ಆಗಿದ್ದರಿಂದ ಪ್ರಕಾಶಕರು ತತ್ತರಿಸುತ್ತಿದ್ದಾರೆ' ಎಂದು ಸರ್ಕಾರಿ ಪ್ರಥಮದರ್ಜೆ ಕಾಲೇಜಿನ ಪ್ರಾಧ್ಯಾಪಕಿ ಡಾ.ಭಾಗ್ಯಜ್ಯೋತಿ ಹೇಳಿದರು.

24 Apr, 2018

ಕೊಪ್ಪಳ
ಕಾಂಗ್ರೆಸ್‌ ಅಭ್ಯರ್ಥಿಯಿಂದ ರೋಡ್‌ ಶೋ

ವಿಧಾನಸಭಾ ಕ್ಷೇತ್ರದ ಕಾಂಗ್ರೆಸ್‌ ಅಭ್ಯರ್ಥಿ ಕೆ.ರಾಘವೇಂದ್ರ ಹಿಟ್ನಾಳ್‌ ಸೋಮವಾರ ರೋಡ್‌ ಷೋ ನಡೆಸಿದರು.

24 Apr, 2018
ಸಾಲಮುಕ್ತ ರೈತ ನಮ್ಮ ಗುರಿ

ಕೊಪ್ಪಳ
ಸಾಲಮುಕ್ತ ರೈತ ನಮ್ಮ ಗುರಿ

23 Apr, 2018

ಕೊಪ್ಪಳ
ಸುಗಮ ಚುನವಾಣೆಗೆ ಮತಗಟ್ಟೆ ಅಧಿಕಾರಿಗಳು ಶ್ರಮಿಸಿ

ವಿಧಾನಸಭೆ ಚುನಾವಣೆಯ ಮತದಾನ ಪ್ರಕ್ರಿಯೆ ಗೊಂದಲ ರಹಿತವಾಗಿ ಹಾಗೂ ಸುಗಮವಾಗಿ ನಡೆಸಲು ಮತಗಟ್ಟೆ ಅಧಿಕಾರಿ ಹಾಗೂ ಸಹಾಯಕ ಮತಗಟ್ಟೆ ಅಧಿಕಾರಿಗಳು ಶ್ರಮಿಸಬೇಕು ಎಂದು ಜಿಲ್ಲಾಧಿಕಾರಿ...

23 Apr, 2018